- پرۆژه‌كێ قه‌زا ئاكرێ ب هه‌شت هه‌یڤان به‌رى ده‌مێ بۆ هاتیه ده‌ستنیشانكرن دێ ب دووماهى هێت
- 87% كار د چێكرنا رێیه‌كا قه‌زا ئاكرێ دا ب دووماهى هاتیه
دهۆك –KDP.info- رێڤه‌به‌را رێك و پرا ل پارێزگه‌ها دهۆكێ دیار كر كو كار د چێكرنا رێیا كانى توزێ دا ل سنوورێ قه‌زا ئاكرێ یێ به‌رده‌وامه ژ ڤانه ل دووماهیا ڤێ هه‌یڤێ ئه‌ڤ رێیه ب كه‌ڤیته د خزمه‌تا خه‌لكێ ده‌ڤه‌رێ دا.
خه‌دیجا محه‌مه‌د، رێڤه‌به‌را رێك و پرا ل پارێزگه‌ها دهۆكێ بۆ ماڵپه‌رێ فه‌رمیێ پارتى دیموكراتى كوردستان ئاشكرا كر كو د به‌رده‌وامیا وان پرۆژێن خزمه‌تگۆزارى دا یێن كو ل سه‌ر ده‌مێ كابینا نه‌هێ یا حكومه‌تا هه‌رێما كوردستانێ دهێنه ئه‌نجامدان، ل هه‌یڤا ته‌باخا سالا 2022 ده‌ست بجهئینانا پرۆژێ چێكرنا رێیا كانى توزێ ل سنوورێ قه‌زا ئاكرێ ب كوژمێ سێ ملیار و 825 ملیۆن دیناران هاتیه‌كرن.
ناڤهاتیێ ئاماژه دا وێ چه‌ندێ كو هه‌تا نوكه ب رێژا 87% كار د چێكرنا ڤى پرۆژه‌ی دا هاتیه ئه‌نجامدان و هه‌كه سه‌قایێ ده‌ڤه‌رێ یێ گونجایى بیت هه‌تا 15 رۆژێن دى ئه‌ڤ پرۆژه دێ ب دووماهى هێت و كه‌ڤیته د خزمه‌تا خه‌لكێ ده‌ڤه‌رێ دا، ئه‌ڤه د ده‌مه‌كى دایه ئه‌ڤ پرۆژه ل دووڤ گرێبه‌ستێ دێ به‌رى وى ده‌مێ بۆ هاتیه ده‌ستنیشانكرن ب هه‌شت هه‌یڤان ب دووماهى هێت، ژ به‌ر كو هه‌یڤا ته‌باخا سالا 2023 بۆ ب دووماهى هاتنا ڤى پرۆژه‌ى هاتیه ده‌ستنیشانكرن و گۆت: "درێژاهیا ڤێ رێیێ ب شێوه‌یه‌كێ گشتى 21 كیلومه‌ترن، هه‌تا نوكه 18 كیلومه‌تر ژ ڤێ رێیێ هاتینه قێركرن و كار یێ به‌رده‌وامه بۆ ب دووماهى ئینانا ڤى پرۆژه‌ى و نێزیكى 10 گوندان دێ ژ ڤى پرۆژه‌ى د مفاداربن".
ێوار محه‌مه‌د ره‌شید
