سه‌رۆكى هه‌رێمى كوردستان پێشوازى له كونسولى نوێى هۆڵه‌ندا كرد
هه‌ولێر-KDP.info- ئه‌مڕۆ یه‌كشه‌ممه 2022/11/4 به‌ڕێز نێچیرڤان بارزانى، سه‌رۆكى هه‌رێمى كوردستان له دیدارێكدا له هه‌ولێر له‌گه‌ڵ بەڕێز یاکۆ بیرێندز کونسوڵی گشتیی نوێی شانشینی هۆڵەندا له هه‌رێمى كوردستان، پیرۆزباییى ده‌ستبه‌كاربوونى لێكرد و هیواى سه‌ركه‌وتنى بۆ خواست، هه‌روه‌ها هه‌موو پشتگیرییه‌كى خۆى و سه‌رۆكایه‌تیى هه‌رێمى كوردستانى بۆ سه‌رخستنى ئه‌ركه‌كه‌ى دووپات كرده‌وه.
هه‌ردوولا جه‌ختیان له خواستى دوولایه‌نه بۆ بره‌ودان به په‌یوه‌ندییه‌كان و به‌ره‌وپێشبردنیان له هه‌موو بواره‌كاندا به‌تایبه‌تى له بوارى كشتوكاڵدا كرده‌وه. لاى خۆیه‌وه سه‌رۆك نێچیرڤان بارزانى سوپاسى هه‌رێمى كوردستانى بۆ حكوومه‌تى هۆڵه‌ندا دووپات كرده‌وه بۆ پشتگیریى و هاریكارییان له هه‌رێمى كوردستان له كاتى شه‌ڕى دژى داعشدا.
