نێچیرڤان بارزانی پێشوازیی له سەرۆککۆماری عێراق كرد
هه‌ولێر-KDP.info- لەتیف رەشید، سەرۆککۆماری عێراق گەیشتە هەولێر و نێچیرڤان بارزانی، سەرۆکی هەرێمی کوردستان لە فڕۆکەخانەی هەولێر پێشوازیی لێكرد.
لە سەردانەکەیدا بۆ هەولێر، بڕیارە سەرۆککۆماری عێراق لەگەڵ سەرۆک بارزانی کۆببێتەوە.
جەعفەر شێخ مستەفا، جێگری سەرۆکی هەرێمی کوردستان، ئومێد خۆشناو، پارێزگاری هەولێر و بەشێک لە بەرپرسان لەگەڵ سەرۆکی هەرێمی کوردستاندا پێشوازییان لە د. لەتیف رەشید کرد.
دوای سەردانەکەی سەرککۆمار بۆ پیرمام، بڕیارە بە مەبەستی بەشداریکردن لە کۆنفرانسێکی زانکۆی ئەمریکی سەردانی شاری دهۆک بکات.
لە رۆژانی 15 تاوەکو 17ـی ئەم مانگە کۆڕبەندی ئاشتی و ئاسایشی رۆژهەڵاتی نێوەڕاست لە زانکۆی ئەمریکیی کوردستان لە دهۆک بەڕێوەدەچێت و هەر یەکە لە سەرۆککۆماری عێراق، سەرۆکی هەرێمی کوردستان و سەرۆکوەزیرانی هەرێمی کوردستان بەشدارن.
ڕامان وریا
