سەرۆکی پارتی دیموکراتی تورکمانی کوردستان پیرۆزبایی لە سەرۆک بارزانی و پارتی دەکات

ھەولێر-KDP.info-  دڵشاد چاوشلی، سەرۆکی پارتی دیموکراتی تورکمانی کوردستان، بە بۆنەی سەرکەوتنی کۆنگرەی چواردەھەمی پارتی دیموکراتی کوردستانەوە برووسکەیەکی پیرۆزباییی ئاراستەی سەرۆک بارزانی و پارتی دیموکراتی کوردستان کرد.

بەڕێز جەنابی سەرۆک کاک مەسعود بارزانی

بەڕێزان جێگری یەکەم کاک نێچیرڤان بارزانی و جێگری دووەم کاک مەسرور بارزانی

بەڕێزان ئەندامانی کۆمیتەی ناوەندیی پارتی دیموکراتی کوردستان

سڵاو ڕێز..

بە بۆنەی سەرکەوتنی کۆنگرەی ١٤ و ھەڵبژاردنەوەی جەنابتان بە سەرۆکی پارتی دیموکراتی کوردستان، پیرۆزبایی گەرم لە جەنابتان و جێگرانی بەڕێزتان و ھەموو ئەندامانی کۆمیتەی ناوەندیی پارتی دیموکراتی کوردستان دەکەم. ھەڵبژاردنەوەی جەنابتان زەروورەتێکی مێژووییی قۆناغەکەیە بۆ پارتی دیموکرات بەتایبەتی و خەڵکی کوردستان بەگشتی.

کۆنگرەی پارتی ھەمیشە بۆ نوێبوونەوە و دانانی بەرنامە و پلانی بەھێز بۆ خزمەتی خەڵک و خاک بووە و دەبێت، پارتی حزبی تێکۆشان و خەباتە، پارتی دیموکراتی کوردستان بەردەوام ھەڵگری بیروباوەڕێکی نیشتمانیی ئاشتیخواز و دیموکراسیخواز بووە و ئەزموونی ساڵانی دوورودرێژی، سەلمێنەری ئەو ڕاستییەیە کە پێکەوەژیانی ئاشتییانە و یەکترقبووڵکردن و لێبووردەیی لە بنەما سەرەکییەکانی کولتوورە سیاسییەکەیەتی، داکۆکیکردن لە مافەکانی ھەموو پێکھاتەکان بە جیاوازی نەتەوەیی و ئایینییەوە، بڕوایەکی نەگۆڕی پارتییە و قوربانیی گەورەی لەپێناویدا بەخشیوە.

دووبارە لەم بۆنەیەدا، پیرۆزباییی خۆمان ئاراستەی جەنابتان و تەواوی کادیر و جەماوەری پارتی دیموکراتی کوردستان دەکەین.

 

           بە ھیوای سەرکەوتن و سەلامەتیتان

                       لەگەڵ ڕێزماندا

دڵشاد چاوشلی

سەرۆکی پارتی دیموکراتی تورکمانی کوردستان

٢٠٢٢/١١/٧