کرێی خوێندن لە زانکۆ و پەیمانگە حکوومی و تایبەتەکان کەمکرایەوە

هەولێر-KDP.info- وەزارەتی خوێندنی باڵا و توێژینەوە زانستیی هەرێمی کوردستان بڕیاریدا داشکاندنی کرێی خوێندن لە سەرجەم زانکۆ و پەیمانگە حکوومی و تایبەتەکان کەمبکاتەوە. 

بەگوێرەی بڕیارەکە، داشکاندنی کرێی خوێندن لە زانکۆ و پەیمانگا حکوومییەکان (پارالێڵ - ئێواران) بە رێژەی 45%؛ داشکاندنی کرێی خوێندنی زانکۆ و پەیمانگە تایبەتەکان بە رێژەی 10% بۆ 20% بەپێی رانکی زانکۆکان دەبێت. 

 ئەم بڕیارە لە ساڵانی رابردوودا، وەزارەتی خوێندنی باڵا بەهۆی ڤایرۆسی کۆرۆناوە دەریکرد و بۆ ئەمساڵی خوێندنیش درێژی کردەوە. 

زانکۆ حکوومییەکان 

داشکانى رێژەى 45% لە کرێى خوێندنى پارالێل و ئێوارانى گشت قۆناخەکانى خوێندنى بەرایى و خوێندنى باڵا لە سەرجەم زانکۆ حکوومییەکان و دامودەزگەکانى ترى وەزارەتى خوێندنى باڵا و توێژینەوەى زانستى بۆ ساڵى خوێندنى (2022-2023.)

زانکۆ تایبەتەکان

کەمکردنەوەى کرێى خوێندن بەپێى ئەنجامەکانى ریزبەندى نیشتمانیى زانکۆکانى کوردستان دەبێت بەم شێوەیە:

- ئەو زانکۆیانەى دەکەونە گروپى B، بە رێژەى (10%) کرێى خوێندن کەمدەکرێتەوە.

- ئەو زانکۆیانەى دەکەونە گروپى C، بە رێژەى (15%) کرێى خوێندن کەمدەکرێتەوە.

- ئەو زانکۆیانەى دەکەونە گروپى D، بە رێژەى (20%) کرێى خوێندن کەمدەکرێتەوە.

- سەرجەم پەیمانگە تایبەتەکان و کۆلێژە زانکۆییەکان بە رێژەى (20%) کرێى خوێندنیان کەمدەکرێتەوە.

 

فائیزه‌ كۆیی