کۆتایی بە بەشی دووەمی شەقامی ١٥٠ مەتری دێت

ھەولێر-KDP.info- سەرپەرشتیاری بەشی دووەمی شەقامی ١٥٠ مەتری ھەولێر گوتی، کارکردن لەتەواوکردنی بەشی دووەمی شەقامی ١٥٠ مەتری ھەولێر بەردەوامە و ئێستا لەقۆناغی کۆتاییدایە و ٩٣% تەواو بووە و ھەندێک وردەکاری ماوە ئەوانیش تەواو بێت ئەو بەشەش بەڕووی شۆفێران دەکرێتەوە.

سەرپەرشتیاری بەشی دووەمی شەقامی ١٥٠ مەتری ھەولێر، کەیفی فارس، بۆ ماڵپەڕی فەرمی پارتی دیموکراتی کوردستان گوتی: "کارەکانی بەشی دووەمی شەقامی ١٥٠ مەتری ھەولێر لەقۆناغی کۆتاییدایە و تەنھا ھەندێک وردەکاری ماوە وەکو دانانی گاردرێل و ھێماکانی ھاتووچۆ لەگەڵ کەمێک کاری قیرتاوکردن ماوە، بۆیە ئەو وردەکاریانە تەواو بێت کۆتایی بە بەشی دووەمی شەقامی ١٥٠ مەتری دێت".

کەیفی فارس گوتیشی: "تا ئێستا رێژەی ٩٣% تەواو بووە و ھەرکاتێک وردەکاریەکان تەواو بوو ئەو کات رێگاکە بەڕووی شۆفێران دەکەنەوە، کە ئەو بەشە ٧،٦کم دەبێت لەرێگەی  شەقڵاوە تا کەسنەزانە، چونکە بەشی یەکەم لە بەحرکە تا رێگای شەقڵاوە بوو".

 

بڵند ئیبراھیم