98% كار د چێكرنا پرۆژێ به‌نداڤا (خنس) دا هاتیه ئه‌نجامدان
دهۆك -KDP.info- كار د چێكرنا پرۆژێ به‌نداڤا خنس دا یێ به‌رده‌وامه و هه‌تا نوكه كار ب رێژا 98% د ڤى پرۆژه‌یى دا هاتیه ئه‌نجامدان و حكومه‌تا هه‌رێما كوردستانێ كوژمێ پترى 9 ملیار دیناران بۆ بجهئینانا پرۆژێ ناڤهاتى ته‌رخانكرینه.
ئه‌ندازیارێ ئاكنجى (عه‌بدولقادر محه‌مه‌د سالح) بۆ ماڵپه‌رێ فه‌رمیێ پارتى دیموكراتى كوردستان دیار كر كو به‌نداڤا (خنس) ئێك ژ وان به‌نداڤایه یێن كو ل سه‌ر ده‌مێ كابینا نه‌هێ یا حكومه‌تا هه‌رێما كوردستانێ ل سنوورێ قه‌زا شێخان دهێته چێكرن و گۆت: "كوژمێ 9 ملیار و و 218 ملیۆن دینار ل سه‌ر بۆدجا حكومه‌تا هه‌رێما كوردستانێ بۆ بجهئینانا ڤى پرۆژه‌یى هاتینه ته‌رخانكرن و نوكه ب رێژا 98% كار د چێكرنا ڤى پرۆژه‌یى دا ب دووماهى هاتیه و ژڤانه ل 15/10/2022 ب دووماهى بهێت و بكه‌ڤیته د خزمه‌تا خه‌لكێ ده‌ڤه‌رێ دا".
ناڤهاتى ئاماژه دا وێ چه‌ندێ كو ڤێ به‌نداڤێ شیانێن عمباركرنا حه‌فت ملیۆن مه‌ترێن سێجا یێن ئاڤێ هه‌نه و گۆت: "ئه‌ڤ به‌نداڤه دێ خزمه‌ته‌كا مه‌زن پێشكێشى خه‌لكێ ده‌ڤه‌رێ كه‌ت و د شیان دایه بۆ مه‌ره‌مێن گه‌شتیارى و ئاڤا مالان و بتایبه‌تى بۆ مه‌ره‌مێن چاندنێ بهێته بكارئینان، ژ به‌ر كو ب سه‌دان دونه‌مێن ئه‌ردێ چاندنێ ل ڤێ ده‌ڤه‌رێ هه‌نه، هه‌روه‌سا دێ سیمایه‌كێ جوان ژى ده‌ته ده‌ڤه‌رێ".
رێوار محه‌مه‌د ره‌شید
