ئەڤرۆ بەرێ بنیاتی بۆ دوو پرۆژێن نوی یێن خزمەتگۆزاری ل ئاکرێ هاتە دانان

دهۆک-KDP.info- د بەردەوامیا چێکرنا پرۆژێن نوی یێن خزمەتگۆزاری دا ل پارێزگەها دهۆکێ ئەڤرۆ رۆژا دووشەمبی 6/9/2022 (پ.د.عەلی تەتەر) پارێزگارێ دهۆکێ ب کوژمێ چار ملیار و 496 ملیۆن دیناران بەرێ بنیاتی بۆ دوو پروژا ل قەزا ئاکرێ دانا.

پ.د.عەلی تەتەر، پارێزگارێ دهۆکێ د کۆنگرەکێ رۆژنامەڤانی دا ئاشکرا کر کو ئەڤرۆ بەرێ بنیاتێ پرۆژێ چێکرنا رێکا (کانی توزێ) ب کوژمێ سێ ملیار و 826 ملیۆن دینارا هاتە دانان کو ئەڤ رێکە دێ ب درێژاهیا 21 کیلومەتران هێتە ڤەکرن و قێرکرن و چەندین گۆند و خەلکێ دەڤەرێ ب شێوەیەکێ گشتی دێ ژ چێکرنا ڤێ رێکێ د مفاداربن و گۆت: "هەتا نوکە پتری ٣٠٠ پڕۆژەیان یێن ماین مە ڕانەگەهاندینە و ئەم یێ هەمی بزاڤان دکەین ئەڤ پڕۆژە ب ڕەنگەکێ دادپەروەرانە بۆ هەمی گۆند و قەزا و ناحیان بهێنە بەلاڤکرن".
هەژی گۆتنێ یە کو هەر د چارچۆڤێ سەرەدانا پارێزگارێ دهۆکێ دا بۆ قەزا ئاکرێ ئەڤرۆ بەرێ بنیاتی بۆ پروژێ چێکرنا سۆلینێن چار گوشە بۆ تاخێن نوی ل ئاکرێ ب کۆژمێ 670 ملیۆن و 625 هزار دیناران هاتە دانان کو ئاڤرێژێن سندوقی و لولەیی دگەل مەنهولان ل تاخێن نوی ل ئاکرێ دهێنە دروستکرن و ئەو تاخێن  ژ ڤان پرۆژان د مفادار ئەڤەنە (روناهی، کوچینە حسن بدو، سەرهەلدان، دەواجن و ئازادی، 11 ئادارێ، خەبات، 11 ئەیلول).

رێوار محەمەد رەشید