نەجات شەعبان: حکومەتا ئەلکترونی دێ بیتە ئەگەرا پێش ئێخستنا خزمەتێن گشتی

دهۆک-KDP.info- ئەندامەکا لیژنا دارایا پەڕلەمانێ کوردستانێ ڕاگەهاند، حکومەتا ئەلکترونی دێ بیتە ئەگەرا  پێش ئێخستنا خزمەتێن گشتی و چێکرنا پەیوەندیێن هەرەباش و بهێز یێن حکومەتێ دگەل هاولاتیان هەمان دەم دا دشێت پترزەلالیا حکومەتێ نیشان بدەت و هاولاتی دشێت زێدەتر ئاگەهداریا کارێ حکومەتێ و سیاسەتا وێ  یا جێبەجێکار بیت وەک هاتیە ل کارناما حکومەتێ"هەرحکومەتەک بڤێت خزمەتا خەلکی بکەت پێویستە حکومەتەکا ڕوون و شفاف بیت، وب شێوەکێ شایستە خزمەتا گشت هاولاتیێن هەرێما کوردستانێ بکەت.

نەجات شەعبان، بۆ ماڵپەڕێ فەرمیێ پاڕتی دیموکراتی کوردستان ڕاگەهاند، حکومەتا ئەلیکترونی رێکەکە بۆ کێمکرنا پارێن دهێتە مزاختن ژ لایێ حکومەتێ ڤە  و  زێدەکرنا داهاتێ دەولەتێ و دهێتە چاڤەرێکرن کو حکومەت سالانە داهاتەکێ  ئێکجار مەزن زێدە بکەت بۆ نمونە( ل سەر ئاستا ئێکەتیا ئەوروپا  ستراتیژیەتا " دیجتەل گریمان" دشێت ساڵانە دناڤبەرا 6,5  و 10ملیار یورویا ژ داهاتی زێدە بکەت.

گۆتژی:'' لێکولینەک (بۆ نێزیکی ملیون کەسا) ل سەر دەنگدانا ئەلکترونی دەستنیشان کر پارێ مەزاختی بۆ چارەسەریا دەنگا ل ویستگەهەکێ ب رێکا عادی 20,4 یورو لێچوو و لێچوونا چارەسەریا دەنگا ب رێکا الکترونی2,3 یورو بوو، جوداهی نێزیکی  10 قاتا نە، دیساڤە دیڤ بەرنامێ حکومەتێ بۆ چاکسازیا کەرتێ وەزیفێ گشتی سیستەمێ حکومەتا ئەلکترۆنی پالدەرێ زێدەکرنا وەختێ بەردەستە و زێدەکرنا کێرهاتیا(کفاءات) و بزاڤێن وان د کەرتێ گشتیدا یە.

ل دوماهییێ ئاماژە ژی دا، ئێک ژ ئارمانجێن خزمەتگوزاریێن ئەلکترونی ئەوە گهۆڕین و باشکرنا سیستەمێ کاغەزێ یە و دەرئەنجام ژینگەهدێ هێتە پاراستن ژ زێدە مەزاختنا کاغەزێ وئەڤ هاوتەریبە د گەل ئێک ژ  خالێن گشتی یێن کارناما حکومەتێ"ژینگەها کوردستانێ گەورەترین سەرمایا هەرێمێ یە، و حکومەتا ئەلکترونێ و کارناما حکومەتێ ئارمانجا وان پێکڤە ئەوە پالپشتێن  بهێزن ژ بۆ زێدەکرنا بەشداریا دیموکراسی و  پێداگیرکرن ل سەر چەسپاندن و بهێزکرنا بنەمایێن دیموکراسیێ.

 

کـــاروان باعەدری