گرێبەستا نووژەنكرنا كنیشتەیا حزقیال ل شوشێ ب گوژمێ 500 هزار دۆلاران هاتە ئیمزا كرن
ئەڤرۆ ب بەرھەڤبوونا وەزیرێ باژێڕڤانی و گەشت و گوزار و قونسولا گشتیا ئەمریکا ل ھەولێرێ گرێبەستا نیژەنکرنا کنشتا حزقبال ھاتەکرن، کو دکەڤیتە قەزا ئاکرێ، کو ئێکە ژ شونوارێن گرن گیێن دەڤەرێ.
د. بێکەس بریفکانی، رێڤەبەرێ شونوارێن دھۆکێ ب مالپەڕێ فەرمیێ پارتی دیموکراتی کوردستان راگەھاند"ئەڤرو رێکەفتی ٢٠٢٢/٨/١٤ ب ئامادەبونا ساسان عەونی)وەزیرێ شارەوانی و گەشت و گوزار و کەیفی مێگفی رێڤەبەرێ گشتی یێ شوینوار و کەلەپوورا و رێڤەبەرێ شوینوار و کەلەپوورێن دھوک و ھیوا شیمال رێڤەبەرێ شوینوار و کەلەپوورێن ئاکرێ و ھەر وەسا شەھرەزاد سیئود قونسولا گشتی یێ ئەمریکا ل ھەولێری ب وەکالەت و (ئێلا بێکێسی) نینەرا رێکخراوا ARCH یا ئەمریکی ئیمزایا گرێبەستا نیژەنکرنا کنیشتا حزقیال ھاتە کرن کو دێ ب ھەماھەنگی دگەل رێکخراوا GAME ART یا چیکی و ب سەرپەرشتیا رێڤەبەرییا شوینوار و کەلەپوورێن دھوکێ و ئاکرێ بیت.
رێڤەبەرێ شونوارێن دھۆکێ گوتژی" تێچویا ڤی پروژەی قونسولخانەیا ئەمریکا ب ئەستویێ خوڤە گرتیە کو برێ ٥٠٠ ھزار دولارانە، جھێ شوش ئێک ل جھێن مێژوویی یێن گرنگە چەندین شوینوارێن گرنگ لێ ھەنە ب تایبەتی پەرستگەھێن ئایبێن کەڤن وەک میترائی و زەردەشتی و جوھی و مەسیحی و موسولمان، جھێ کنیشتا شوش نێزیکە ل ڤان ھەمی پەرزگەھان ئەڤەژی وێ چەندێ رادگەھینیت گرنگیا پێکڤە ژیانا ئایینی ل دەڤەرێ.
د. بێکەس بریفکانی ئاماژەکر" ئەڤ پروژەیە وەک قوناغا ئێکێ دێ ھێتە دەست پێکرن کو ل سالا ٢٠٢٠ مە پلان دانابو بو دروست کرنا پارکەکا روحانی یا ئاینێن کەڤن ل شوش و ببیتە جھەک گەشت گوزاری و ھەر وەسا پاراستنا ڤان پەرزگەھان و پیشاندانا شارستانیەتا دەڤەرێ، جوھی ل سەدەیا ھەشتێ بەری زاینێ پاشایێ ئاشوری شلمنێر ئیناینە دەڤەرێ، و ل دەڤەرێ مان تا سالێن پێنجییان، بو ئێکەم جار بەحسا شوش ھاتیە کرن د پەرتوکا گەروکڤان حاخام بنیامین (١١٣٠-١١٧٠) دا بو، ل سالا ١٨٨٠ مردخای ایدلمان ئێک ل گەروکانە بەحسا جوھیێن شوش دکەت کو زور گرێدای بوینە ب ئاینێ خوڤە و دبێژیت ھەتا سالا ١٨٨٤ نێزیکێ ٥٠ جوھیان ل شوش ژیاینە و پاشان زوربەی وان بەرەڤ باژێرێن مەزن چوینە، و ھەر وەسا ھەتا سالا ١٩١٥ چەند مالێن کێم مابون ل شوش و کنیشت ب کار ئینایە پاشان ب ئێک جاری ڤەگەریانە ئیسرائیل ل سەرەتایێن سالێن پێنجییان.
قائید میرۆ
