پەیاما پیرۆزباھیێ یا مەسروور بارزانی بۆ دەستەیا نوی یا بنگه‌هێ لالش
ھەولێر-KDP.info- بەبۆنەی کۆتاییھاتنی کۆنگرەی چواردەی بنکەی رۆشنبیریی و کۆمەڵایەتیی لالش، مەسروور بارزانی سەرۆکی حکوومەتی ھەرێمی کوردستان، پەیامێکی پیرۆزبایی ئاراستەی دەستەی نوێی بنکەی لالش کرد.
دەقی پەیامی پیرۆزبایی سەرۆکی حکوومەتی هەرێمی کوردستان:
بەڕێزان ل دەستەیا نوی یا بنگه‌هێ لالش یێ ره‌وشه‌نبیرى وجڤاكى:
ب ھەلکەفتا سەرکەفتنا کۆنگرەیێ چاردێ یێ بنگەھێ لالش یێ ره‌وشه‌نبیرى و جڤاكى و ھەڵبژارتنا دەستەیا نوی، گەرمترین پیرۆزباھییان ل ھەوە دکەم و ھیڤییا سەرکەفتن و بەردەوامیێ بۆ ھەوە دخوازم.
بنگەھێ لالش یێ ره‌وشه‌نبیرى و جڤاكى، خزمەتەکا بەرچاڤ یا کەلتوور و چاندا کوردی کریە نەمازە پاراستن و پێشڤەبرنا کەلتوورێ ئێزیدیاتیێ، ھیڤیدارم د خەبات و تێکۆشینا خۆ دا ژبوی خزمەتکرنا پرسێن نیشتیمانی و وەرارا پێکڤەژیانا ئاشتییانە ل ھەرێما کوردستانێ، دبەردەوام بن .
ھەر دسەرکەفتی بن.
مەسروور بارزانی
سەرۆکێ حکومەتا هەرێما کوردستانێ
10 ئاب 2022
