پارێزگارێ دهۆکێ چار پرۆژێن خزمەتگۆزاری رەوانەیی بجهئینانێ کرن
دهۆک-KDP.info-سکرتێرێ رۆژنامەڤانیێ پارێزگارێ دهۆکێ دیار کر کو چێکرنا پرۆژێن خزمەتگۆزاری ل دەڤەرێن جوداجودا یێن پارێزگەها دهۆکێ د بەردەوامن و پارێزگارێ دهۆکێ چار پرۆژێن نوی یێن خزمەتگۆزاری ب کۆژمێ دو ملیاران دیناران رەوانەیی بجهئینانێ کرن.
مللەت عسمەت، سکرتێرێ رۆژنامەڤانیێ پارێزگارێ دهۆکێ بۆ ماڵپەرێ فەرمیێ پارتی دیموکراتی کوردستان ئاشکرا کر کو ئەو چار پرۆژێن نوی یێن خزمەتگۆزاری یێن کو ژ لایێ پارێزگارێ دهۆکێ ڤە رەوانەیی بجهئینانێ هاتینەکرن پێکدهێن ژ دروستکرنا قۆتابخانەکا دوازدە رێزی ل تاخێ مرێبکا ل سنوورێ دەڤەرداریا ئامێدیێ، هەروەسا پاقژکرنا ئاڤاهیێ رێڤەبەریا هاتنوچوونێ و پشکێن ب سەرڤە ل پارێزگەها دهۆکێ بۆ دەمێ سالەکێ.
ناڤهاتی ئاماژە دا وێ چەندێ کو هەر د چارچۆڤێ وان پرۆژێن نوی یێن خزمەتگۆزاری دا یێن کو رەوانەیی بجهئینانێ هاتینەکرن رێکێن ناڤخۆیی ل کۆمەلگەها کۆرا دێ هێنە چێکرن و سەخبێرکرن، هەروەسا سۆلینێن کۆمەلگەها ناڤهاتی ژی دێ هێنە چێکرن و گۆت: "قووناغا ئێکێ یا جوتسایدێ ٤٠ مەتری ل دارەتوو ب درێژاهیا ١٩٥٠ مەتران دێ هێتە تمامکرن".
رێوار محەمەد رەشید
