نێچیرڤان بارزانی پیرۆزبایی له بزووتنه‌وه‌ی گۆڕان ده‌کات
__2022_07_25_h18m8s35__HK.jpg)
به‌ڕێزان له جڤاتى نیشتمانیى بزووتنه‌وه‌ى گۆڕان
یادى سێزده ساڵه‌ى دامه‌زراندنى بزووتنه‌وه‌كه‌تان به گه‌رمى له ئێوه و ته‌واوى هه‌ڵسووڕاوان و لایه‌نگران و جه‌ماوه‌رى بزووتنه‌وه‌ى گۆڕان به‌گشتى پیرۆز ده‌كه‌م، هیواى سه‌ركه‌وتنان بۆ ده‌خوازم.
بزووتنه‌وه‌ى گۆڕان وه‌ك هێزێكى سیاسیى كارا، ڕۆڵێكى دیار له ژیانى سیاسیى هه‌رێمى كوردستان و عێراقدا ده‌گێڕیت و سه‌نگ و جێپه‌نجه‌ى به پرۆسه‌ى سیاسى و به‌ڕێوه‌بردنى هه‌رێمى كوردستانه‌وه دیاره.
له‌م یاده‌دا جه‌خت له گرنگى و پێویستیى ته‌بایى و یه‌كڕیزیى نێوان لایه‌نه سیاسییه‌كانى هه‌رێمى كوردستان و به‌رپرسیاریه‌تیى هاوبه‌شى هه‌موو لایه‌ن و پێكهاته‌كان ده‌كه‌مه‌وه بۆ تێپه‌ڕاندنى سه‌ختییه‌كان و ڕووبه‌ڕووبوونه‌وه‌ى ته‌حه‌دییه‌كان و كارى پێكه‌وه‌یى له‌پێناو پاراستنى قه‌واره‌ى سیاسى و ده‌ستكه‌وت و مافه ده‌ستوورییه‌كانى هه‌رێمى كوردستاندا.
نێچیرڤان بارزانى
سه‌رۆكى هه‌رێمى كوردستان
2022/7/25
