ئەڤرۆ پێنج رێڤەبەر دێ ل دهۆکێ ھێنە گۆھوڕین

دهۆک-KDP.info-سکرتێرێ رۆژنامەڤانیێ پارێزگارێ دهۆکێ دیار کر کو ئەڤرۆ رۆژا دووشەمبی 25/7/2022 د رێورەسمەکی دا پێنج رێڤەبەرێن سازیێن میری دێ ل پارێزگەها دهۆکێ هێنە گوهۆڕین و هەر ئەڤرۆ بڕیارا دەسبکاربوون و ڤەگۆھاستنا وان دێ کەڤیتە د وارێ بجهئینانێ دا.

مللەت عسمەت، سکرتێرێ رۆژنامەڤانیێ پارێزگارێ دهۆکێ بۆ ماڵپەرێ فەرمیێ پارتی دیموکراتی کوردستان ئاشکرا کر کو د چارچۆڤێ وان گوهۆڕینێن بەردەوام دا یێن کو ل سەر ئاستێ رێڤەبەریێن میری یێن پارێزگەها دهۆکێ دهێنەکرن ئەڤرۆ هەر ئێک ژ "ئەحمەد محەمەد عەلی"، وەکو  ڕێڤەبەرێ باجا دەرامەتی یا دھۆکێ دێ دەستبکار بیت، هەروەسا "ئاری مەئمون عەبدولرەزاق محەمەد"، وەکو ڕێڤەبەرێ  باجا دەرامەتی یا کۆمپانییان دێ دەستبکار بیت و "ژاڵە زیرەک تاھر سەعید"، وەکو ڕێڤەبەرا باجا خانوبەرێن دھۆکێ دێ دەستبکاربیت و گۆت: "هەر د چارچۆڤێ ڤان گوهۆڕینان دا "ئەکرەم سالح"، دێ بیتە بەرپرسێ نڤیسینگەھا مەزنە باجدەران ل دھۆکێ".

ناڤهاتی ئاماژە دا وێ چەندێ کو "جەلال کەمال عومەڕ"، لسەر میلاکێ ڕێڤەبەریا باجا دەرامەتی یا کۆمپانییان ل دھۆکێ بۆ سەر میلاکێ ڕێڤەبەرییا مەزنە باجدەران ل نڤیسینگەھا دھۆک دێ دەستبکاربیت و "جەگەر سەیفەدین" دێ ھێتە ڤەگۆھاستن بۆ سەر میلاکێ رێڤەبەرییا کۆمپانییان. هەروەسا "ئەردەوان عەونی"، وەکو جێگرێ دووێ یێ ڕێڤەبەرێ باجا دەرامەتی ل پارێزگەھا دھۆکێ دەستبکاربیت.

 

رێوار محەمەد رەشید