هژمارەکا پرۆژێن ئاڤێ ل دهۆکێ رەوانەیی بجهئینانێ هاتنەکرن
دهۆک-KDP.info- سکرتێرێ رۆژنامەڤانی یێ پارێزگارێ دهۆکێ دیار کر کو د بەردەوامیا چێکرنا پرۆژێن خزمەتگۆزاری دا ل پارێزگەها دهۆکێ ئەڤرۆ رۆژا ئێکشەمبی 17/7/2022 (پ.د. عەلی تەتەر) پارێزگارێ دهۆکێ هژمارەکا پرۆژە رەوانەیی بجهئینانێ کرن.
مللەت عسمەت، سکرتێرێ رۆژنامەڤانیێ پارێزگارێ دهۆکێ بۆ ماڵپەرڕ فەرمیێ پارتی دیموکراتی کوردستان ئاشکرا کر کو ئەڤ پرۆژێن خزمەتگۆزاری یێن ئاڤێ دێ ب کوژمێ 438 ملیۆن و 998 هزار دیناران ژ لایێ رێڤەبەریا ئاڤا دەوروبەران ل دهۆکێ ڤە هێنەگەهاندن بۆ هێلا ئاڤێ بۆ کارگەهەکا چێکرنا کەرەستێن پاقژکرنێ ل سێمێلێ. و گۆت: "ئەڤ پرۆژە د پێکهاتی نە ژ نوژەنکرن و گوهۆڕینا تۆرا ئاڤێ ل تاخێ ئازادی ل قەدشێ و چێکرن و سەخبێریکرنا تۆرا ئاڤا گۆندێن (وەرمێلێ - گەرەگوهێ)، هەروەسا گەهاندنا هێلا ئاڤێ بۆ کارگەهەکا چێکرنا کەرەستێن پاقژکرنێ ل سێمێلێ".
ناڤهاتی ئاماژە دا وێ چەندێ کو هەر د چارچۆڤێ وان پرۆژێن خزمەتگۆزاری دا یێن کو ئەڤرۆ ژ لایێ پارێزگارێ دهۆکێ ڤە رەوانەیی بجهئینانێ هاتینەکرن، بیرەکا ئاڤێ دگەل چێکرنا عمبارەکا ٦٠م سێجا بۆ گۆندێ کێستە، هەروسا کڕین و دابینکرنا (پەمپێن ئاڤێ) بۆ پرۆژێ سەرەکی یێ ناوچەداریا کانی ماسێ دگەل گەهاندنا هێلا سەرەکی یا ئاڤێ بۆ عمبارا نوی یا کانی ماسێ، دگەل کۆلانا بیرەکا ئاڤێ بۆ گۆندێ دێرێ، زێدەباری ڤێ چەندێ دابینکرنا ماتورێن ئاڤێ و سەخبێریکرنا فلتەرا دگەل چێکرنا تۆرا ئاڤا کۆمەلگەها بریفکا.
رێوار محەمەد رەشید
