پرسەنامەی مەكتەبی سیاسی پارتی، بۆ کۆچی دوایی کەسایەتی دیاری گەلەکەمان (عەلی قازی)
هەولێر-KDP.info- مەكتەبی سیاسی پارتی دیموكراتی كوردستان، سەرەخۆشی لە خانەوادەی کەسایەتی دیار و نیشتیمانپەروەر(عەلی قازی) کوڕی پێشەوای نەمر قازی محەمەد دەکات.
بەڕێزان خانەوادەی کەسایەتی تێکۆشەری گەلەکەمان (عەلی قازی)
بە داخ و پەژارەیەکی زۆرەوە هەواڵی کۆچی دوایی کەسایەتی دیار و نیشتیمانپەروەر(عەلی قازی)کوڕی پێشەوای نەمر قازی محەمەد-مان بیست، کە بە نەخۆشی کۆچی دوایی کرد، بەو بۆنە خەمناکەوە پرسە و سەره‌خۆشی خۆمان ئاراستەی ئێوەی بەڕێز و کەسوکار و بنەماڵە تێکۆشەرەکەتان دەکەین و، خۆمان بە شەریکی خەمتان دەزانین.
خوالێخۆشبوو(عەلی قازی)کەسایەتییەکی ناسراوی نیشتیمانپەروەر و دڵسۆزی گەلەکەمان و کێشە رەواکەی بوو، بۆیە ئێوە و بنەماڵەکەتان هەمیشە مایەی شانازی و ستایشن لەو خەباتە بەردەوامەتان و ئەو قوربانیدانەی بە دۆزی رەوای گەلی کورد و کوردستانتان بەخشیوە.
ئومێدەوارین دڵنەوایی و هاوخەمی هاوەڵ و دۆست و هاوخەباتانی ببێتە مایەی سەبووری و ئارامگرتنتان و لە خەم و خەفەتتان کەم بکاتەوە.
جارێکی دیکە پرسە و سەرەخۆشی خۆمان دووبارە دەکەینەوە و، داواکارین لە خوای گەورە خوالێخۆشبوو بەبەهەشتی بەرین شاد بکات و ئێوەش لە خەم و خەفەت و کۆستی دیکە بەدوور بن..
انا لله وانه الیه راجعون
مەکتەبی سیاسی پارتی دیموکراتی کوردستان
١٣ـی٧ـی٢٠٢٢
