په‌یامى نێچیرڤان بارزانى له جه‌ژنى پیرۆزى قورباندا
هەولێر-KDP.info- به‌بۆنه‌ى هاتنه‌وه‌ى جه‌ژنى قوربانه‌وه، به گه‌رمى پیرۆزبایى له ته‌واوى موسڵمانان له كوردستان، عیراق و جیهان، به‌تایبه‌تى له خانه‌واده و كه‌سوكارى سه‌ربه‌رزى شه‌هیدان و پێشمه‌رگه قاره‌مانه‌كان ده‌كه‌م. هیوادارم هه‌مووان جه‌ژن و پشوویه‌كى ئارام و ئاسووده به‌سه‌ر به‌رن و جه‌ژن خۆشى و ئارامى له‌گه‌ڵ خۆیدا بهێنێت.
با په‌یام و واتا مرۆیى و جوانه‌كانى جه‌ژن له گه‌ردنئازادى و لێبورده‌یى و لێخۆشبوون بكه‌ینه ده‌رفه‌تێك بۆ یه‌كڕیزى و ته‌بایى و یه‌كترقبووڵكردن و هه‌ڵدانه‌وه‌ى لاپه‌ڕه‌ى نوێى ئاشته‌وایى و پێكهاتنه‌وه و هه‌نگاونانى پێكه‌وه به‌ره‌و داهاتوویه‌كى باشتر.
با ئه‌م بۆنه‌یه له عیراق و هه‌رێمى كوردستان بكه‌ینه سه‌ره‌تایه‌كى تازه‌ى هاریكارى و كارى هاوبه‌شى نێوان هه‌موو هێز و لایه‌ن و پێكهاته‌كانى وڵات، بۆ چاره‌سه‌ركردنى كێشه و تێپه‌ڕاندنى سه‌ختییه‌كان و پاراستنى ئارامى و سه‌قامگیرى و گه‌یشتن به كه‌نارى ئارامى و دڵنیایى.
جه‌ژنى هه‌مووان پیرۆز بێت، هه‌موو ساڵێك به خۆشى.
نێچیرڤان بارزانى
سه‌رۆكى هه‌رێمى كوردستان
2022/7/8
