لە کۆبوونەوەی ئه‌مڕۆی ئەنجومەنی وەزیراندا ئەم تەوەرانە دەخرێنە بەر باس و گفتوگۆ
ھەولێر-KDP.info- ئەنجومەنی وەزیرانی هەرێمی کوردستان، بە سەرۆکایەتی مەسروور بارزانی کۆدەبێتەوە و یەکێک لە تەوەرە سەرەکییەکانی کۆبوونەوەکە گفتوگۆکردنە لەسەر هەنگاوە دەستووری و یاساییەکانی حکوومەتی هەرێم، بۆ بەرەنگاربوونەوەی گوشارە ناڕەواکانی وەزارەتی نەوتی عێراق.
سەرمانگەی میدیا و زانیاری رایگەیاند: "ئەمڕۆ ئەنجومەنی وەزیران بە سەرۆکایەتیی مەسروور بارزانی، سەرۆکی حکوومەتی هەرێمی کوردستان کۆبوونەوەی ئاسایی خۆی ئەنجام دەدات.
لە کۆبوونەوەکەدا ئەم تەوەرانەی خوارەوە دەخرێنە بەر باس:.
- راپۆرتێک سەبارەت بە پێشڤەچوون و ئاستەنگەکانی بەردەم داخستنی شوێنەکانی فرۆشتنی چەک و دەستبەسەرداگرتنی چەکی بێ مۆڵەت.
- پێشنووسی پڕۆژە یاسای نوێی کار.
- ڕاپۆرتی دارایی هەرێم لە ماوەی شەش مانگی یەکەمی 2022 بۆ خستنەڕووی داهات و خەرجییەکان.
- هەنگاوە دەستووری و یاساییەکانی حکوومەتی هەرێم بۆ بەرەنگاربوونەوەی گوشارە ناڕەواکانی وەزارەتی نەوتی عێراق.
ڕامان وریا
