ئەندامەکا لیژنا دارایی بۆ KDP ب ژمارە بەحسا پرۆسەیا چاکسازیێ دکەت

هه‌ولێر-KDP.info- ئەندامەکا لیژنا دارایی ل پەرلەمانێ کوردستانێ ڕاگەهاند، ل بەر رۆناهیا جێبەجێکرنا یاسایا چاکسازیێ وەزارەتا دارایی و ئابووری گشت وەزارەت و لایەنێن نەگرێدایی ب وەزارەتێ ڤە  دەست ب پێداچوونا دوسییێن فەرمانبەران کر و ل دەرئەنجامێ هویربینیکرنا  ٣٤٠٩٢١ دوسییێن فەرمانبەران ٧١٩٦فەرمانبەرا پڵێن زێدەتر وەرگرتینە ژ پلێن خۆ و دیسا ١٥٦١٤ فەرمانبەرا پلێن زێدە ل  سەرمووچە وەرگرتینتە دەرئەنجام  ١٫٣٦٠٫٨٠٨٫٨٠٢  دینار ڤەگەریان بۆ خزینا دەولەتێ.

نەجات شەعبان، بۆ ماڵپەڕێ فەرمیێ پارتی دیموکراتی کوردستان گۆت: هەر وەسا ٤١٨٩ کەسا  زێدەتر ژ مووچەیەکی وەرگرتینە دەرڤەیی یاساو رێنمایێن بەرکار و دەرئەنجام١٫٢٥٣٫٦٢٦٫٥٩١ ڤەگەریان بۆ خزینا دەولەتێ.

دیارژی کر، پشتی هەڵوەشاندنا یاسایا خانەنشینا خاوەن وەزیفێن باڵایێن هەرێما کوردستانێ-عیراق یا ژمارە ٣٦سالا ٢٠٠٤  ئەو فەرمانبەرێن ب پلا شارەزا کو ژمارا وان ٤٩٦فەرمانبەرن و دیف ڤێ یاسایێ خانەنشینکری بوون و مووچێ وان هەموار کر بوو، د نوکەدا یادداشتا وان ئاراستەیی ئەنجومەنی وەزیران کریە بۆ مەبەستا پێداچۆن ب بریارا هەموارکرنا مووچێ وان، چ ب رێکا هەموارکرنا یاسایا چاکسازیێ یان ب دەرکرنا وان شارەزایا کو بەری ٢٠٢٠/٧/١  خانەنشین کربوون.

 

کاروان باعەدری