وەزیری پەروەردە: پلانی خوێندنی ساڵی نوێ ئامادەکراوە
ھەولێر-KDP.info- وەزارەتی پەروەردەی حکوومەتی ھەرێمی کوردستان پلانی ساڵی نوێی خوێندنی ئامادەکردووە و وەزیری پەروەردەش دەڵێ، لە داھاتوودا پلانەکە رادەگەیەنین بۆ ساڵی نوێی خوێندنی ٢٠٢٢- ٢٠٢٣.
ئالان حەمە سەعید، وەزیری پەروەردە، بە ماڵپەڕی فەرمیی پارتی دیموکراتی کوردستانی راگەیاند: "وەزارەتی پەروەردە پلانی ساڵی داھاتووی خوێندنی ئامادەکردووە و بەو پێیەش ساڵی خوێندنی ٢٠٢٢-٢٠٢٣ بە گوێرەی ئەو پلانەی وەزارەتی پەروەردە بەڕێوەدەچێت و لە ڕۆژانی داھاتوو وردەکاری پلانی ساڵی نوێی خوێندن رادەگەیەندرێت".
لەبارەی بەڕێوەچوونی ئەزموونەکانی پۆلی ١٢ی ئامادەیی لە کۆتایی ئەم مانگە، ئالان حەمە سەعید، گوتی: "لیژنەیەکی تایبەت کار بۆ ئامادەکاریەکانی بەڕێوەچوونی پرۆسەی ئەزموونەکانی پۆڵی دوازدەی ئامادەیی دەکات".
قائید میرۆ
