پتری ٣٥٠٠ کەسان ل شنگالێ مالێن خوە بجھـ ھێلان
دھۆک-KDP.info- جێگرێ پارێزگارێ دھۆکێ دیار کر کو ژ ئەگەرێ شەرێ دناڤبەرا سوپایێ عیراقێ و ھێزێن نەیاسایی دا ل دەڤەرا شنگالێ پتری ٣٥٠٠ کەسان ل شنگالێ مالێن خوە بجھـ ھێلان و ئاوارەی پارێزگەھا دھۆکێ بوون.
ماجد سەید سالح، جێگرێ پارێزگارێ دھۆکێ بۆ ماڵپەرێ فەرمیێ پارتی دیموکراتی کوردستان دیار کر کو ژ ئەگەرێ شەرێ نوکە د ناڤبەرا سوپایێ عیراقێ و ھێزێن نەیاسایی دا ل دەڤەرا شنگالێ پەیدابووی ٣٥٠٠ کەسان دووبارە مالێن خوە بجھـ ھێلان و ئاوارەی پارێزگەھا دھۆکێ بوون و گۆت: " بۆ ڤێ مەرەمێ ژی کارگێریا پارێزگەھا دھۆکێ ھەموو بەرھەڤی کرینە کو جھێ ڤەحەواندنێ بۆ وان ھەموویان د ناڤ کەمپان دا بھێتە دابینکرن".
رێوار محەمەد رەشید
