پارێزگارێ دھۆکێ پێنج پرۆژێن خزمەتگۆزاری ل شێخان ڤەکرن
دھۆک-KDP.info- سکرتێرێ رۆژنامەڤانیێ پارێزگارێ دھۆکێ ئاشکرا کر کو پێنج پیرۆژێن خزمەتگۆزاری ل سەر بودجەیا ھەرێما کوردستانێ ئەڤرۆ رۆژا چارشەمبی ٢٧/٤/٢٠٢٢ ژ لایێ (پ.د.عەلی تەتەر) پارێزگارێ دھۆکێ ڤە ل قەزا شێخان ھاتنە ڤەکرن.
مللەت عسمەت، سکرتێرێ رۆژنامەڤانیێ پارێزگارێ دھۆکێ بۆ ماڵپەڕێ فەرمیێ پارتی دیموکراتی کوردستان دیار کر کو د بەردەوامیا ڤەکرنا پرۆژێن خزمەتگۆزاری دا یێن کو ل سەر دەمێ کابینا نەھێ یا حکومەتا ھەرێما کوردستانێ ل دەڤەرێن جودا جودا یێن پارێزگەھا دھۆکێ دھێنە ڤەکرن ئەڤرۆ ژی پێنج پرۆژێن نوی یێن خزمەتگۆزاری ژ لایێ پارێزگارێ دھۆکێ ڤە ل قەزا شێخان ھاتنە ڤەکرن ژ وان پرۆژان، ڤەکرنا پرۆژێ تمامکرنا جادا دوو سایدی یا ٣٠ مەتری ل سەنتەرێ ناحیا کەلەکچی ب کوژمێ (٥٧٤) ملیۆن دیناران، ھەروەسا ڤەکرنا پرۆژێ رێکا گوندێ شیفکێ ب درێژاھیا حەفت کیلومەتران ب کوژمێ (١٩٥) ملیۆن دیناران، د ھەمان دەم دا پرۆژێ رێکا کەلەچی بۆ گوندێ دوریشان ب درێژاھیا شەش کیلومەتران بکوژمێ (٣٧٤) ملیون دیناران ھاتە ڤەکرن.
__2022_04_27_h18m37s51__HK.jpg)
ناڤھاتی گۆت: "ھەر د چارچۆڤێ سەرەدانا پارێزگارێ دھۆکێ دا بۆ قەزا شێخان پرۆژێ بەرھەمئینانا ئالیکا کەسک بۆ ئاژەلان ل گوندێ کانی فەلا ل سنوورێ ناحیا قەسرۆکێ ھاتە ڤەکرن، ئەڤ پرۆژە دھێتە ھژمارتن پرۆژێ ئێکێ یێ بەرھەمئینانا ئالیکا کەسک ل سەر ئاستێ ھەرێما کوردستانێ کو ئەڤ پرۆژە ژ لایێ کۆمپانیا (گولف کیستون) یا بەرھەمئینانا پەترۆلێ ڤە ھاتیە دورستکرن و بەرھەمێ پرۆژەی دماوێ حەفت رۆژان دا دگەھیتە قووناغا ب کارئینانێ و گەلەک مفایێن خوە ھەنە بۆ بخودانکرنا ئاژەلی، د ھەمان دەم دا پرۆژێ رێکا گوندێ تەل گومل ب درێژاھیا چار کیلومەتران ب کوژمێ (٢٨٦) ملیۆن دیناران ھاتە ڤەکرن".
ل دووماھیێ سکرتێرێ رۆژنامەڤانیێ پارێزگارێ دھۆکێ خویا کر ئەڤ پێنج پرۆژە ل سەر بودجا حکومەتا ھەرێما کوردستانێ ھاتینە چێکرن و دێ مفایەکێ باش گەھیننە ھژمارەکا مەزن یا خەلکێ دەڤەرێ".
رێوار محەمەد رەشید
