راگەیاندنی پارتی، سەرەخۆشی لە خانەوادەی (مەحفوز مایی) دەکات
هەولێر-KDP.info- دەزگای رۆشنبیری و راگەیاندنی پارتی دیموکراتی کوردستان، سەرەخۆشی لە خانەوادەی کەسایەتی تێکۆشەر و نووسەر و رۆشنبیر، خوالێخۆشبوو (جەعفەر مایی) دەکات.
ھەڤاڵ و ھاوکاری بەڕێز (مەحفوز مایی)
بەداخێکی زۆرەوە ھەواڵی کۆچی دوایی کەسایەتی تێکۆشەر و نووسەر و رۆشنبیر، خوالێخۆشبوو (جەعفەر مایی) برای بەڕێزتانمان پێگەیشت.
بەم بۆنە خەمناکەوە پرسە و سەرەخۆشیمان ئاراستەی بەڕێزتان و خانەوادە و خزم و کەسوکار و ھاوڕێ و ئاشنایانی خوالێخۆشبوو دەکەین و، ھاوبەشی خەمتانین.
لە خودای گەورە داواکارین گیانی کۆچکردوو بە بەھەشتی بەرین شادبکات و سەبوری و ئارامی بە بەڕێزتان و تەواوی خانەوادەکەتان ببەخشێت.
انا للە وانا الیە راجعون.
دەزگای رۆشنبیری و راگەیاندنی پارتی دیموکراتی کوردستان
