١٠ ھزار دار و نەمام ل ئاکرێ دێ ھێنە چاندن
__2022_04_11_h19m45s2__HK.jpg)
دھۆک-KDP.info- بەرپرسێ ڕاگەھاندنێ ل رێڤەبەریا گشتی یا باژێرڤانیان ل پارێزگەھا دھۆکێ دیار کر کو ب مەرەما خەملاندنا باژێری و بلندکرنا رێژا کەسکاتیێ ١٠ ھزار دار و نەمام ل قەزا ئاکرێ دێ ھێنە چاندن.
ئەمیر ئەترووشی، بەرپرسێ ڕاگەھاندنێ ل رێڤەبەریا گشتی یا باژێرڤانیان ل پارێزگەھا دھۆکێ بۆ ماڵپەرێ فەرمیێ پارتی دیموکراتی کوردستان ئاشکرا کر کو باژێرڤانیا قەزا ئاکرێ بەردەوام ل نەمامگەھێن خوە ل سەر پێشینەیا ھەیڤانە گرنگیێ ب چاندێ ددەت، نوکە ژی نەمامگەھێن باژێرڤانیا ناڤھاتی ١٠ ھزار دار و نەمام بەرھەڤکرینە بۆ وێ چەندێ ل رۆژێن بھێت ب مەرەما خەملاندن و بلندکرنا رێژا کەسکاتیێ ل قەزا ئاکرێ بھێنە چاندن و ھەمی بەرھەڤی ژی بۆ ڤێ مەرەمێ ھاتینەکرن.
ناڤھاتی ئاماژە دا وێ چەندێ کو سەرەرایی پلانا بلندکرنا رێژا کەسکاتیێ ل قەزا ئاکرێ د ھەمان دەم دا گرنگیەکا باش ب ھەوێن بەرفرەھێن پاقژکرنێ و شووشتنا جھێن گشتی و گەشتیاری یێن ھەمان قەزا ژی دھێتەدان، ئەڤە ددەمەکی دایە کارکرن د چێکرنا پرۆژێن نوی یێن خزمەتگۆزاری دا ل سەر دەمێ کابینا نەھێ یا حکومەتا ھەرێما کوردستانێ ل قەزا ناڤھاتی یا بەردەوامە.
رێوار محەمەد رەشید
