سەرۆك بارزانی سەرەخۆشی لە بەڕێز ریاز ساری كەهیە دەكات

ھەولێر-KDP.info- سه‌رۆك مه‌سعود بارزانى، له‌ پرسه‌نامه‌یه‌كدا سه‌ره‌خۆشى له‌ ریاز ساری كەهیە كرد و ڕایده‌گه‌یه‌نێت: "لە خودای مەزن داوكارم رۆحی برای خوالێخۆشبووتان بە بەهەشتی بەرین شاد بكات".

ده‌قی پرسه‌نامه‌كه‌ی سه‌رۆك بارزانی: 

بەناوی خودای بەخشندە و میهرەبان

بەڕێز ریاز ساری كەهیە

بەخەم و پەژارەیەکی زۆرەوە هەواڵی كۆچی دوایی كاك (زیاد ساری كەهیە)ی برای بەڕێزتانمان پێگەیشت.

پرسە و سەرەخۆشیی خۆم ئاڕاستەی بەڕێزتان و خانەوادە و کەسوکارتان دەكەم و خۆم بە هاوبەشی خەمتان دەزانم.

لە خودای مەزن داوكارم رۆحی برای خوالێخۆشبووتان بە بەهەشتی بەرین شاد بكات، سەبر و ئارامی بە ئێوە و كەسوكارتان ببەخشێت.

 

إنا لله وإنا إلیه راجعون

 

مسعود بارزانی

٩ـی نیسانی ۲٠۲۲