پارێزگارێ دھۆکێ بەرێ بنیاتی بۆ چار پرۆژان دانا
دھۆک-KDP.info-د بەردەوامیا گەھاندنا پرۆژێن خزمەتگۆزاری دا بۆ ھەمی دەڤەرێن سنوورێ پارێزگەھا دھۆکێ ئەڤرۆ رۆژا سێشەمبی ٨/٣/٢٠٢٢ (پ.د.عەلی تەتەر) پارێزگارێ دھۆکێ بەرێ بنایاتی ب کۆژمێ سێ ملیار دیناران بۆ چار پرۆژێن خزمەتگۆزاری ل ناحیا فەیدیێ دانا.
د.عەلی تەتەر، پارێزگارێ دھۆکێ د کونگرەکێ رۆژنامەڤانی دا ئاشکرا کر کو ئەڤرۆ بەرێ بنیاتی بۆ چار پرۆژان ب کوژمێ سێ ملیار دینارا ل سەر بۆدجا پەرەپێدانا پارێزگەھان ل ناحیا فەیدیێ ھاتە دانان گۆت: "ئەڤ پرۆژێن ئەڤرۆ بەرێ بنیاتی بۆ ھاتیە دانان ڤەکرن و قێرکرنا جادە و کۆلانان و ھندەک پرۆژێن دی ب خوەڤە دگریت".
ناڤھاتی گۆت: "ناحیا فەیدیێ ئێک ژ ناحیێن مەزنە ل سەر ئاستێ ھەرێما کوردستانێ و عیراقێ ژی کو نێزیکی ٢٠٠ ھزار کەسان لێ دژین ژ بەر ڤێ چەندێ ژی زۆرترین پرۆژە ژ لایێ حکومەتا ھەرێما کوردستانێ و ئیدارا پارێزگەھا نەینەوا ڤە لێ ھاتینە ئەنجامدان، ھەروەسا رێکخراوێن بیانی ژی ھاریکاریا مە د چێکرنا پرۆژان دا کریە ژ وان ژی پرۆژەکێ ئاڤێ ل ھەیاما بۆری ژ لایێ رێکخراواGIZ یا ئەلمانی ڤە ب کوژمێ ٣٣ ملیۆن دۆلاران ل ڤێ ناحیێ ئەنجامدایە".
رێوار محەمەد رەشید
