خێری بۆزانی: ماڵپەڕێ فەرمیێ پارتی دەنگێ پێکهاتەیانە

نڤیسەر و گرنگیدەرێ کاروبارێ پێکهاتەیان خێری بۆزانی ددەتە خویاکرن، هەردەم سازیێن میدیایێن پارتی ل سەر ڕێبازا پیرۆزا بارزانی بووینە کو بووینە سەیوانەک بۆ تەڤاهییا ئۆل وئیتنیکان.

خێری بۆزانی، ل دۆر دامەزراندنا ١١ ساڵیا ماڵپەڕێ فەرمیێ پارتی دیموکراتیی کوردستان گۆت:« ماڵپەڕێ فەرمیێ پارتی ل سەر هەمان بیروباوەر و بنەما ئاڤابوو یا کو پارتی ژبۆ پاراستنا بەرژەوەندیێن نیتشتیمانی و نەتەوەیی دانایی و ماڵپەڕ بوویە زمانحالێ پارتی ب هەموو بیروباوەران ڤە.

دیارژی کر، یا کو ماڵپەڕێ فەرمیێ پارتی ژ ماڵپەڕێن دی جودا دکەت؛ ماڵپەڕێ فەرمیێ پاڕتی بوویە مینبەر و سەکۆیەک بۆ تەڤاهییا ئۆل وئاینان.

گۆتژی؛« هیڤیخوازین ماڵپەڕ گرنگیێ بدەتە هەموو ئالیێن ژیانێ و ل گەل جیهانا بلەزا سۆشیال میدیایێ و جیهانا مۆدێرنا تەکنۆلۆژیێ بگونجیت داکوو هەردەم ماڵپەڕ ل گەل هەموو نفشان خۆ بگونجینیت.