سەرۆکی حکومەتی هەرێمی کوردستان لەگەڵ وەزیری دەرەوەی عەرەبستانی سعودی کۆدەبێتەوە

هەولێر-KDP.info- ئەمڕۆ شەممە 19ی شوباتی 2022 لە پەراوێزی کۆنفرانسی ئاسایشی میونشندا، مەسرور بارزانی سەرۆکی حكومەتی هەرێمی کوردستان لەگەڵ شازادە فەیسەل بن فەرحان وەزیری دەرەوەی شانشینی عەرەبستانی سعودی کۆبووەوە.

لە دیدارەکەدا دوایین گۆڕانکارییەکانی عێراق و برەودان بە پەیوەندییەکانی هەرێمی کوردستان و عەرەبستانی تاووتوێ کرا و پێویستیی فراوانکردنی دەرفەتەکانی پەیوەندی و هەماهەنگیی بۆ ئەو بابەتانەی جێی بایەخی هەردوولان دووپات کرایەوە.