نێچیرڤان بارزانی سەرەخۆشی لە وەزیری رۆشنبیری دەکات
هه‌ولێر-KDP.info- سەرۆکی هەرێمی کوردستان لە پەیوەندییەکی تەلەفۆنیدا سەرەخۆشی لە حەمەی حەمەسەعید، وەزیری رۆشنبیریی هەرێمی کوردستان دەکات بەبۆنەی کۆچی دوایی خاتوو غەریبە عەزیز بارامی دایکی.
نێچیرڤان بارزانی، سەرۆکی هەرێمی کوردستان وێڕای دەربڕینی هاوخەمی، "هیواى خواست خواى مه‌زن گیانى خوالێخۆشبوو به به‌زه‌یى و میهره‌بانیى خۆى شاد بكات و ئارامى و دڵنه‌وایى به خانه‌واده و كه‌سوكاریان ببه‌خشێت."
هاوکات حه‌مه‌ى حه‌مەسه‌عید سوپاس و پێزانینى خۆیان و خانه‌واده‌كه‌یانی بۆ په‌یوه‌ندى و هاوبه‌شیی نێچیرڤان بارزانى له پرسه‌كه‌یاندا ده‌ربڕیوە.
