سەرۆکی حکومەت سەرەخۆشی لە وەزیری ڕۆشنبیری و لاوان دەکات
ئەمڕۆ ھەینی 11ی شوباتی 2022 مەسرور بارزانی سەرۆکی حکومەتی هەرێمی کوردستان، لە پەیوەندییەکی تەلەفۆنیدا، سەرەخۆشی لە حەمەی حەمە سەعید وەزیری ڕۆشنبیری و لاوان کرد بۆ کۆچی دوایی دایکی.
سەرۆکی حکومەت، پرسە و هاوخەمیی خۆی پێگەیاند و هیوای خواست، خوای مەزن گیانی خوالێخۆشبوو بە بەهەشت شاد بکات و سەبر و ئارامییش بە بنەماڵەکەیان ببەخشێت.
وەزیری ڕۆشنبیری و لاوان، سوپاس و پێزانینی خۆی و بنەماڵەکەی، بۆ پەیوەندیی و سەرەخۆشیکردنی سەرۆکی حکومەتی هەرێمی کوردستان دەربڕی.
