بەرپرسی خاڵی سنووریی پێشخابوور: ئەمڕۆ خاڵی سنووریی پێشخابوور کرایەوە

پێشخابوور-KDP.info- بەرپرسی خاڵی سنووریی پێشخابوور ئاشکرای کرد،  ئەمڕۆ ئەو خاڵە سنوورییە بۆ رەوانەکردنی ھاوکاریی مرۆیی و کارمەندانی رێکخراوە خێرخوازییە بیانییەکان کراوەتەوە، بۆ ئەوەی ھاوکاری بۆ خەڵکی رۆژئاوای کوردستان رەوانە  بکرێت و خۆشیان سەردانی رۆژئاوای کوردستان بکەن.

شەوکەت بەربەھاری، بۆ ماڵپەڕی فەرمیی پارتی دیموکراتی کوردستان گوتی، ئەمڕۆ خاڵی سنووریی پێشخابوور کراوەتەوە، بۆ ئەوەی کارمەندانی بیانی لە رێکخراوە خێرخوازییە بیانییەکان بچن بۆ رۆژئاوای کوردستان و ھاوکاری بۆ خەڵکی رۆژئاوای کوردستان لەگەڵ خۆیان ببەن.

بەربەھاری گوتیشی، مەبەستی کردنەوەی خاڵی سنووری، بۆ ئەوەیە کە ھاوکارییە مرۆییەکان رەوانەی رۆژئاوای کوردستان بکرێن، بۆیە ئەمڕۆ دەرگای خاڵی سنووری کراوەتەوە تا ھاوکارییەکان بە خەڵک بگەن.

پێشتر بە ھۆی ئەوەی لایەنگرانی پەیەدەی سەر بە پەکەکە ھێرشیان کردە سەر خاڵی سنووریی پێشخابوور، ئەو خاڵە سنووورییە داخرا.

 

بڵند ئیبراھیم