نێچیرڤان بارزانى پیرۆزبایى له كاكه‌یییان ده‌كات
هاتنه‌وه‌ى جه‌ژنى قه‌ولتاس له هه‌موو خوشك و برایانى كاكه‌یى له كوردستان و عیراق و له ده‌ره‌وه‌ى وڵات به گه‌رمى پیرۆز ده‌كه‌م، هیوادارم جه‌ژنێكى ئارام و ئاسووده به سه‌ر به‌رن و جه‌ژنى خێر و خۆشى بێت.
له‌م جه‌ژنه‌دا جه‌خت له پاراستنى مافه‌كانى خوشك و برایانى ئازیزى كاكه‌ییمان و ته‌واوى پێكهاته‌كان و مانه‌وه‌ى كوردستان به سه‌رزه‌مینى پێكه‌وه‌یى، ته‌بایى، لێبورده‌یى، فره‌یى و یه‌كترقبووڵكردن ده‌كه‌ینه‌وه.
جه‌ژنى قه‌ولتاس له هه‌مووان پیرۆز بێت، هه‌موو ساڵێك به خۆشى.
نێچیرڤان بارزانى
سه‌رۆكى هه‌رێمى كوردستان
2022/1/17
