بەڕێوەبەری فڕۆکەخانەی هه‌ولێر: گەشتەکانمان له‌گه‌ڵ غازی عەنتاب دەست پێدەکەنەوە
ھەولێر-KDP.info- بەڕێوەبەری فڕۆکەخانەی نێودەوڵەتیی ھەولێر گوتی، دوای ئەوەی بە ھۆی کۆرۆنا و لە سەردەمی کەرەنتینەدا گەشتە ئاسمانییەکانی نێوان ھەولێر و غازی عەنتاب راگیرابوون، جارێکی دیکە گەشتەکان دەست پێدەکەنەوە و لە سەرەتاشدا ھەفتەی دوو گەشت ئەنجام دەدرێن.
ئەحمەد ھوشیار، بۆ ماڵپەڕی فەرمیی پارتی دیموکراتی کوردستان رایگەیاند، لە سەردەمی کەرەنتینە و بڵاوبوونەوەی نەخۆشیی کۆرۆنا، گەشتە ئاسمانییەکانی نێوان غازی عەنتاب و ھەولێر راگیرابوون، بەڵام لە ئێستادا رەزامەندی دراوە و رێکارەکان تەواو بوونە و گەشتەکانیش بەپێی خشتەیەکی دیاریکراو دەست پێدەکەنەوە.
بەڕێوەبەری فڕۆکەخانەی نێودەوڵەتیی ھەولێر ڕوونیشی کردەوە، بڕیارە یەکەم گەشتی ئاسمانیی نێوان غازی عەنتاب و ھەولێر لە ٢٤ی ئەم مانگەدا ئەنجام بدرێت و وەک سەرەتاش ھەفتەی دوو گەشت ئەنجام دەدرێن.
بڵند ئیبراھیم
