سەرۆکی حکومەت سەرەخۆشی لە وەزیری ھەرێم بۆ کاروباری پێکھاتەکان دەکات
هەولێر-KDP.info- مەسرور بارزانی سه‌رۆكی حكوومه‌تی هه‌رێمی كوردستان سه‌ره‌خۆشی له وه‌زیری هه‌رێم بۆ كاروباری پێكهاته‌كان كرد به‌هۆی كۆچی دوایی دایكییه‌وه.
ئێوارەی ئەمڕۆ سێشەممە 11ی کانوونی دووەمی 2022 مەسرور بارزانی سەرۆکی حکومەتی هەرێمی کوردستان، لە پەیوەندییەکی تەلەفۆنیدا، سەرەخۆشی لە ئایدن مەعروف وەزیری هەرێم بۆ کاروباری پێکهاتەکان کرد بۆ کۆچی دوایی دایکی. سەرۆکی حکومەت، پرسە و هاوخەمی خۆی پێگەیاند و هیوای خواست، خوای مەزن گیانی خوالێخۆشبوو بە بەهەشت شاد بکات و سەبر و ئارامییش بە بنەماڵەکەیان ببەخشێت.
وەزیری هەرێم بۆ کاروباری پێکهاتەکان، سوپاس و پێزانینی بۆ پەیوەندیی و هاوخەمی سەرۆکی حکومەتی هەرێمی کوردستان دەربڕی.
