بالیۆزێ یابانێ دوو پرۆژێن گرنگ یێن ساخلەمیێ ل پارێزگەھا دھۆکێ ڤەکرن
دھۆک-KDP.info- کوگەھەکا عمبارکرنا ڤاکسینی ئەڤرۆ رۆژا سێشەمبی ٤/١/٢٠٢١ ب ئامادەبوونا (مستر سوزۆکی) بالیۆزێ وەلاتێ یابانێ ل عیراقا فیدڕال و رێڤەبەرێ گشتی یێ ساخلەمیێ ل پارێزگەھا دھۆکێ و نوونەرێ رێکخراوا یونسێف ل پارێزگەھا دھۆکێ ھاتە ڤەکرن.
د.ئەفراسیاب موسا، رێڤەبەرێ گشتی یێ ساخلەمیێ ل پارێزگەھا دھۆکێ د کونگرەکێ رۆژنامەڤانی دا دیار کر کو وەلاتێ یابانێ ھەر دەم پشتەڤانی ل کەرتێ ساخلەمیێ ل پارێزگەھا دھۆکێ کریە و ئەڤرۆ ژی وەلاتێ ناڤھاتی ب پشتەڤانیا ماددی و مەعنەوی دو پرۆژێن گرنگ یێن ساخلەمیێ ل پارێزگەھا دھۆکێ ڤەکرن ژ وان پرۆژان ژی ڤەکرنا کوگەھەکا عمبارکرنا ڤاکسینی، ھەروەسا بەرفرەھکرن و ئاڤاکرنا پشکا چاڤدێریا چڕ یا ١٠ تەختی ل نەخۆشخانا لالاڤ بۆ نەخۆشێن کۆرۆنایێ.
ناڤھاتی گۆت: "ئەڤ ھەر دو پرۆژە نوکە کەفتینە د خزمەتا کەرتێ ساخلەمیێ و نەخۆشان دا و ھەمی پێدڤیێن ڤان ھەر دو پرۆژان ژی ھاتینە دابینکرن.
رێوار محەمەد رەشید
