حکوومەت سێیەم ڕاپۆرتی چاکسازیی ئامادە کردووە و ڕەوانەی پەرلەمانی دەکات
_(8)__2021_12_23_h15m59s53__ER.jpg)
ھەولێر-KDP.info- سەرۆکی دەستەی نەزاھەی حکوومەتی ھەرێمی کوردستان ئاشکرای کرد، حکوومەتی ھەرێمی کوردستان سەرقاڵی ئامادەکردنی سێیەم ڕاپۆرتی چاکسازییە و ئامادەکاریی بۆ کردووە و بڕیارە پێش سەری ساڵ ڕەوانەی پەرلەمانی بکات .
سەرۆکی دەستەی نەزاھەی ھەرێمی کوردستان، حاکم ئەحمەد ئەنوەر، بۆ ماڵپەڕی فەرمیی پارتی دیموکراتی کوردستان گوتی: ''لەگەڵ بەرپرسی فەرمانگەی ھەماھەنگی و بەدواداچوون لە ئەنجومەنی وەزیران کۆ بووینەوە و باس لە ڕاپۆرتی سێیەمی چاکسازی کرا کە حکوومەت سەرقاڵی ئامادەکردنی ڕاپۆرتەکەیە و ئێستا ئامادە کراوە بۆ ئەوەی ڕەوانەی پەرلەمانی کوردستان بکرێت.''
حاکم ئەحمەد ئەنوەر گوتیشی: ''حکوومەتی ھەرێمی کوردستان پێشتر دوو ڕاپۆرتی بۆ پەرلەمان ڕەوانە کردووە و کاری باشی کردووە و ئێستاش سێیەم ڕاپۆرت ڕەوانە دەکات، ئەمەش نیشانەی ئەوەیە کە حکوومەت جددیە و بەردەوامە لە چاکسازیکردن و جێبەجێکردنی یاسای چاکسازی.''
ئەنوەر ڕوونیشی کردەوە: ''ھەرکاتێک ڕاپۆرتەکەمان بەدەست گەیشت، ئەوکات ئێمەش وەکوو دەستەی نەزاھە بەفەرمی ڕای خۆمان لەبارەیەوە ڕادەگەیەنین.''
بڵند ئیبراھیم
