لە هەولێر بە گوژمەی زیاتر لە ملیارێک و 560 ملیۆن دینار 10 پڕۆژەی خزمەتگوزاری جێبەجێ دەکرێت

هەولێر -KDP.info- لە چوارچێوەى پڕۆژە خزمەتگوزارییەکاندا بە گوژمەی زیاتر لە ملیارێک و 560 ملیۆن دینار لەسەر داهاتی 15٪  و 100٪ی سەرۆکایەتیی شارەوانی هەولێر 10 پڕۆژەی خزمەتگوزاری جێبەجێ دەکرێت.

پڕۆژەکانیش بریتین لە :

1- دروستکردنی شەقامە ناوخۆییەکانی گوندی نازماوە، قۆناغی یەکەم.

2- دروستکردنی شەقامە ناوخۆییەکانی گوندی نازماوە، قۆناغی دووەم.

3- قیرتاوکردنی ڕێگای سەرەکیی گوندی بێریات.

4- دروستکردنی شەقامێک لە گەڕەکی فەرمانبەران، پشت مزگەوتی شەهید و ئەنفالکراوان.

5- قیرتاوکردنی شەقامێکی 15 مەتری لە گەڕەکی شارەوانی، نزیک مزگەوتی شەهیدان.

6- قیڕرتاوکردنی شەقامێک پێش بەڕێوەبەرایەتیی بانکی خوێن لە شەقامی 40 مەتری تاوەکوو شەقامی 100 مەتری.

7-قیرتاوکردنی گۆڕەپانیک بۆ بنکەی تەندروستیی سەروەران.

8-دروستکردنی ئاوەڕۆ و قیرتاوکردنی شەقامێک لە گەڕەکی مەنتکاوە، پشت نەخۆشخانەی شیفا.

9- دروستکردنی ئاوەڕۆی لوولەیی لە گەڕەکی ئاسوودە، نزیک کۆلێژی نۆڵج.

10- قیرتاوکردنی گەراجی ئۆتۆمبێل و شەقامەکانی ناو پارکی هەوار.