پێشانگایەکی نێودەوڵەتی لە ھەولێر دەکرێتەوە
ھەولێر -KDP.info- بەڕێوەبەری گشتیی پەیوەندییەکانی نێوان ھەرێمی کوردستان و ئێران گوتی، بڕیارە سبەی پێشانگایەکی نێودەوڵەتی لە ھەولێر بکرێتەوە کە ٦٠ کۆمپانیای گەورە بەشداری لەو پێشانگایەدا دەکەن .
عەبدوڵڵا ئاکرەیی بۆ ماڵپەڕی فەرمیی پارتی دیموکراتی کوردستان گوتی: ''سبەی سەعات ١١ی پێشنیوەڕۆ لە پارکی سامی عەبدولڕەحمان لە پێشانگای نێودەوڵەتیی ھەولێر، پێشانگایەکی نێودەوڵەتیی ئێرانی لە ھەولێر دەکرێتەوە کە باڵیۆزی ئێران لە عێراق پێشانگاکە دەکاتەوە و لە ھەولێریش پارێزگار و وەزیری بازرگانی بەشدار دەبن و پێشانگاکە سێ ڕۆژ دەخایەنێت''.
عەبدوڵا ئاکرەیی گوتیشی: ''پێشانگاکە ھەموو جۆرە کەلوپەلێک لەخۆ دەگرێت و ٦٠ کۆمپانیای گەورە بەشداریی تێدا دەکەن، بۆیە ئەمە ھەنگاوێکی گرنگە بۆ پەرەپێدان بە کەرتی بازرگانی و ئابووری''.
بڵند ئیبراھیم
