بالیۆزێن کێم ئەندامان بۆ سالا ٢٠٢٢ ل عیراقێ و ھەرێمێ ھاتنە ھەلبژارتن
دھۆکKDP.info-- کۆمکارا کێم ئەندامان ل عیراقێ د فیستەڤالەکێ دا یا کو دوھی رۆژا سێشەمبی ١٤/١٢/٢٠٢١ ل بەغدا ب ھەلکەفتا رۆژا جیھانیا کێم ئەندامان ھاتیە ئەنجامدان، چەندین کەسێن کێم ئەندام خەلاتکرن و د ھەمان دەم دا بالیۆزێن ئاشتیێ ژی ل عیراقێ و ھەرێما کوردستانێ ھاتنە ھەلبژارتن.
وەحید سەعید چیچو، سەرۆکێ کۆمەلا کۆرتە بالایان ل دھۆکێ بۆ ماڵپەرێ فەرمیێ پارتی دیموکراتی کوردستان دیار کر کو ژ بەر کار و خزمەتا وان یا بەردەوام د بوارێ کەسێن کێم ئەندام دا کۆمکارا کێم ئەندامان ل عیراقێ د فیستەڤالەکێ دا ئەو وەکو بالیۆزیێ کێم ئەندامان ل پارێزگەھا دھۆکێ و (شێروان قادر) وەکو بالیۆزێ ئاشتیێ ل پارێزگەھا ھەولێرێ و (عومەر جەبار) وەکو بالیۆزیێ کێم ئەندامان ل پارێزگەھا سلێمانیێ ھاتنە ھەلبژارتن.
ناڤھاتی گۆت: "وەرگرتنا ڤی خەلاتی بارێ من گرانتر لێ کر، چونکو ئەڤ خەلاتە ناڤەکێ مەزنە ژ بەر ڤێ چەندێ دڤێت پتر خزمەتێ بکەم و دێ ھەمی بزاڤان کەم د سالا ٢٠٢٢ دا ببمە پرەک دناڤبەرا خودان پێدڤیێن تایبەت و دەستھەلاتێ دا، ھەروەسا ببمە دەنگ و رەنگێ خودان پێدڤیێن تایبەت د گەھاندنا پەیاما وان دا.
رێوار محەمەد رەشید
