ب کوژمێ پتری دو ملیار دیناران پێنج پرۆژە ل دھۆکێ رەوانەیی بجھئینانێ ھاتنەکرن
دھۆک -KDP.info- پ.د.عەلی تەتەر، پارێزگارێ دھۆکێ ئەڤرۆ رۆژا سێشەمبی ١٤/٢/٢٠٢١ پێنج پرۆژێن خزمەتگۆزاری ب کۆژمێ پتری دو ملیار دیناران رەوانەیی بجھئینانێ کرن.
مللەت عسمەت، سکرتێرێ رۆژنامەڤانیێ پارێزگارێ دھۆکێ بۆ ماڵپەرێ فەرمیێ پارتی دیموکراتی کوردستان ئاشکرا کر کو د بەردەوامیا چێکرنا پرۆژێن خزمەتگۆزاری دا یێن کو ل سەر دەمێ کابینا نەھێ یا حکومەتا ھەرێما کوردستانێ دھێنە ئەنجامدان، پارێزگارێ دھۆکێ پێنج پرۆژێن خزمەتگۆزاری ب کوژمێ دو ملیار و ٣٤ ملیۆن دیناران ل پارێزگەھا دھۆکێ رەوانەیی بجھئینانێ کرن.
ناڤھاتی ئاماژە دا وێ چەندێ کو ئەو پرۆژێن ئەڤرۆ رەوانەیی بجھئینانێ ھاتینەکرن، ڤەکرن و تێکەلکرن و دانانا قەسیسا بۆ رێیا گۆندێ گەرماڤا دگەل باخورنیفا و لیناڤا، ھەروەسا کرینا کەرەستێن کارەبێ بۆ کۆگەھێن رێڤەبەریا کارەبا سێمێلێ و گەھاندنا کارەبێ بۆ گەرەکێن پێشمەرگە،ئازادی،نەوروز، و مالێن سەنتەرێ دەڤەرداریا بەردەرەش و گۆت: "ھەر د چارچۆڤێ ڤان پرۆژان دا گازا سپی دێ بۆ قوتابخانێن سنوورێ پارێزگەھا دھۆکێ ھێتە دابینکرن و ڤەگوھاستن، ھەروەسا دیوارێن پالپشت دێ ل قەزا ئامێدیێ ھێنە چێکرن و رێکا دەروازێ قەزا ناڤھاتی ژی دێ ھێتە نووژەنکرن".
رێوار محەمەد رەشید
