سوبەھی ٦٩ سالیا دامەزراندنا ئێکەتیا ئافرەتێن کوردستانێ دێ ھێتە ساخکرن
دھۆک-KDP.info- ئەندامەکا مەکتەبا سکرتاریەتا ئێکەتیا ئافرەتێن کوردستانێ ئاشکرا کر کو ب ھەلکەفتا بیرەوەیا ٦٩ سالیا دامەزراندنا ئێکەتیا ئافرەتێن کوردستانێ سوبەھی رۆژا ئێکشەمبی ١٢/١٢/٢٠٢١ دێ چەندین چالاکیێن جوراوجور ل سەرانسەری ھەرێما کوردستانێ ھێنە ئەنجامدان.
شەیما مستەفا، ئەنداما مەکتەبا سکرتاریەتا ئێکەتیا ئافرەتێن کوردستانێ بۆ ماڵپەرێ فەرمیێ پارتی دیموکراتی کوردستان دیار کر کو ئێکەتیا ئافرەتێن کوردستانێ دێ شەمالکا خۆ یا ٦٩ ھەلکەت و ب ڤێ ھەلکەفتێ سوبەھی ژ دەمژمێر ٩ سپێدێ ھەتا ٤ ئێڤاری ل بارەگایێ سکرتاریەتێ و ھەمی ئەنجومەن و ناڤەندێن ئافرەتان ل ھەرێما کوردستانێ دێ پێشۆازیا مێھڤان ھێتەکرن، ھەروەسا ب ھەمان ھەلکەفت دێ چەندین چالاکیێن رەوشەنبیری و ھونەری و جڤاکی ھێنە ئەنجامدان و د ھەمان دەم دا دێ ٦٩ شتلێن داران ژی ھێنە چاندن، سەرەرایی ڤێ چەندێ دێ خۆلێن رەوشەنبیری ژی بۆ ئافرەتان ھێنە ڤەکرن.
ناڤھاتیێ ئاماژە دا وێ چەندێ کو ب ھەلکەفتا بیرەوەیا ٦٩ سالیا دامەزراندنا ئێکەتیا ئافرەتێن کوردستانێ دێ پەیمانگەھەکا تایبەت ب کادران ڤە ل مەکتەبا سکرتاریەتا ئێکەتیا ئافرەتێن کوردستانێ ھێتە ڤەکرن بۆ پێگەھاندنا ئافرەتێ د بوارێ رێکخراوەیی و جڤاکی و سیاسی دا و گۆت: "سوبەھی دێ د چەندین بەرنامەیێن دەزگەھێن ڕاگەھاندنێ دا پشکداربین و دێ بەحسێ رۆل و خەباتا ئێکەتیا ئافرەتێن کوردستانێ ھێتەکرن".
رێوار محەمەد رەشید
