حەسۆ هورمی: ل ئەڵمانیا ئێکەم کۆمبوونا دادگەهکرنا داعشان بڕێڤەچوو
چالاکڤانێ ئێزدی دبیاڤێ پرسێن جینۆسایدناساندنێ دا دبێژیت، دادگەها بلندا باژێرێ فرانکفۆرت ل وەڵاتێ ئەڵمانیا ل ٣٠ نۆڤێمبەرا ٢٠٢١ـێ بریارا دادگەهکرنێ بۆ هەتا هەتایێ ب سەر داعشی''تەها جومەیلی'' سەپاند ئەوژی ب تووهمەتا بەشداریکرن د تاوانێن دژی مرۆڤایەتیێ دا ب تایبەت دژی ئێزدییان.
حەسۆ هوورمی، بۆ ماڵپەڕێ فەرمیێ پارتی دیموکراتی کوردستان گۆت:'' تەها جومەیلی و هەڤژینا وی یە ئەڵمانی جینێفەر دەبلیوو کو هەردوویان دەست ب کوشتنا کەچەکا ئێزدی دا هەبوو هەتا کو ژ تێهنا دا بمریت ،و دانپێدان ب تاوانێن خۆ کرینە.
دهێتە زانینن تەها جومەیلی سەرکردەییەکی دیاربوو دناڤ داعشێ دا و ب تایبەت ل پایتەختێ داعشێ رەققە، و ل ساڵا ٢٠١٣ـی هاتبوو عیراقێ.
دیار ژی کر، ئەڤە ئێکەم جارە دادگەهەک ب یاسا کەسەکی دادگەهـ دکەت ب توهمەتا داعشی بوون کو بەشداری یا د جینۆساییدا ئێزدیان دا کربوون.
بەریا نها ژی، دادگەها میونخ جنێفەر دەبلیو هەڤژینا تەها جومەیلی ب ١٠ ساڵان زێندانی کربوو.
کــاروان بــاعەدری
