ئەڤرۆ پرۆفایلێ وەبەرھێنانێ ل پارێزگەھا دھۆکێ ھاتە راگەھاندن
دھۆک-KDP.info- پشتی کۆمبوونەک ب ئامادەبوونا پارێزگارێ دھۆکێ و سەرۆکێ دەستەیا گشتی یا وەبەرھێنانێ ل ھەرێما کوردستانێ و چەندین رێڤەبەرێن سازیێن میری یێن پارێزگەھا دھۆکێ ھاتیە ئەنجامدان ئەڤرۆ رۆژا ئێکشەمبی ٧/١١/٢٠٢١ پرۆفایلێ وەبەرھێنانێ ل پارێزگەھا دھۆکێ ھاتە راگەھاندن.
پ.د.عەلی تەتەر، پارێزگارێ دھۆکێ د کۆنگرەکێ رۆژنامەڤانی دا ئاشکرا کر کو پشتی ڤەکۆلینەکا تێر و تەسەل ل سەر پرۆفایلێ وەبەرھێنانێ ل پارێزگەھا دھۆکێ ژ لایێ رێڤەبەریا گشتی یا وەبەرھێنانێ ل پارێزگەھا دھۆکێ ب ھاریکاریا سازیێن دی یێن میری یێن پەیوەندیدار ھاتیەکرن پرۆفایلێ وەبەرھێنانێ ل پارێزگەھا دھۆکێ ھاتە چاپکرن و ئەڤرۆ ھاتە راگەھاندن، ئەڤ پرۆفایلە پرۆفایلە یێ تێر و تەسەلە و ھەمی بوارێن ژیانێ ل دووڤ پێدڤیاتیا ھەر قەزایەکا پارێزگەھا دھۆکێ ب خوەڤە دگریت و گۆت: "د کۆمبوونا مە یا ئەڤرۆ دا مە داخواز ژ ھەمی دامودەزگەھێن پەیوەندیدار کر کو دگەل دەستەیا گشتی یا وەبەرھێنانێ ل ھەرێما کوردستانێ د ھاریکاربن بۆ تەرخانکرنا ئەردی یان پێشکێشکرنا ھەر ھاریکاریەکا دی بۆ وێ چەندێن چو وەبەرھێنەرێ کوردستانێ بیت یان یێ دەرڤەی کوردستانێ بیت ھەکە نیاز بیت پرۆژەکێ وەبەرھێنانێ ل کوردستانێ ئەنجام بدەت داکو بزانن چ پرۆژە ھەنە".
ژ ئالیێ خوە ڤە د.محەمەد شوکری، سەرۆکێ دەستەیا گشتی یا وەبەرھێنانێ ل ھەرێما کوردستانێ د ھەمان کۆنگرێ رۆژنامەڤانی دا ئاشکرا کر کو پرۆفایلێ وەبەرھێنانێ ل پارێزگەھا دھۆکێ دێ بۆ ھەمی سازیێن پەیوەندیدار و وەبەرھێنەران ھێتە راگەھاندن، ئەڤ پرۆفایلە ژ پلانا وەبەرھێنانێ و رێبەرێ وەبەرھێنانێ ل پارێزگەھا دھۆکێ پێک دھێت، ھەروەسا پلانا ئیدارا سەربەخۆ یا زاخۆ ژی د ناڤ ڤی پرۆفایلی دا ھەیە ل رۆژێن داھاتی ئەو ژی دێ ھێتە راگەھاند ئەو پلان ژی ھەر د چارچۆڤێ پلانا پارێزگەھا دھۆکێ دایە و گۆت: "نێزیکی ٤٠٠ پرۆژێن وەبەرھێنانێ یێن جودا یێن کو دەستەیا وەبەرھێنانێ رێک پێ دای د ناڤ ڤی پرۆفایلی دا ھەنە".
رێوار محەمەد رەشید
