ئەڤرۆ باژێرڤانیا ئیبراھیم خەلیل دەست ب ڤەکرن و قێرکرنا جادێن ناڤخۆ کر
دھۆک –KDP.info- بەرپرسێ بەشێ راگەھاندنێ ل رێڤەبەریا گشتی یا باژێرڤانیان ل پارێزگەھا دھۆکێ ئاشکرا کر کو چێکرنا پرۆژێن خزمەتگۆزاری ل ھەمی قەزایێن ب سەر پارێزگەھا دھۆکێ ڤە یا بەردەوامە و ئەڤرۆ رۆژا پێنجشەمبی ٤/١١/٢٠٢١ سەرۆکاتیا باژێرڤانیا ئیبراھیم خەلیل دەست ب ڤەکرن قێرکرنا جادێن ناڤخۆ کر.
ئەمیر ئەترووشی، بەرپرسێ بەشێ راگەھاندنێ ل رێڤەبەریا گشتی یا باژێرڤانیان ل پارێزگەھا دھۆکێ بۆ مالپەرێ فەرمیێ پارتی دیموکراتی کوردستان دیار کر کو د بەردەوامیا چێکرنا پرۆژێن خزمەتگۆزاری دا یێن ل سەر دەمێ کابینا نەھێ یا حکومەتا ھەرێما کوردستانێ ل ھەمی قەزایێن ب سەر پارێزگەھا دھۆکێ ڤە دھێنە ئەنجامدان ئەڤرۆ سەرۆکاتیا باژێرڤانیا ئیبراھیم خەلیل ب کوژمێ ٥٠ ملیۆن دیناران دەست ب ڤەکرن و کونکریتکرن و قێرکرنا جادێن ناڤخۆ ل ھەر ئێک ژ (چەمکورک، باکرما، خێلەخین) کر و گۆت: "ھەمان باژێرڤانی نوکە پرۆژێن خزمەتگۆزاری یێن جودا ب کوژمێ ٦٠٠ ملیۆن دیناران پێشکێشکرینە بۆ وێ چەندێ رازەمەندی ل سەر بھێتەکرن و دەست بجھئینانێ بھێتەکرن و بکەڤنە د خزمەتا خەلکێ دەڤەرێ دا".
ناڤھاتی ئاماژە دا وێ چەندێ ژی کو د رۆژێن بۆری دا باژێرڤانیا ئیبراھیم خەلیل رێیەکا نوی د ناڤ گوندێ (باچیکا نوی) دا ب درێژاھیا ١٦٠م ڤەکر و ئێخستە د خزمەتا خەلکێ گوندێ ناڤھاتی دا.
رێوار محەمەد رەشید
