پارێزگارێ دھۆکێ قوتابیێن ئێکێ یێن رێزا دووازێ ئامادەیی ل دھۆکێ خەلاتکر
دھۆک-KDP.info- د رێورەسمەکی دا (پ.د.عەلی تەتەر) پارێزگارێ دھۆکێ ئەڤرۆ رۆژا پێنجشەمبی ٤/١١/٢٠٢١ ب ئامادەبوونا رێڤەبەرێ گشتی یێ پەروەردێ ل پارێزگەھا دھۆکێ، قوتابیێن سەرکەفتیێن ئێکێ یێن رێزا دووازدێ ئامادەیی ل پارێزگەھا دھۆکێ خەلاتکرن.
پ.د.عەلی تەتەر، پارێزگارێ دھۆکێ د پەیڤەکێ دا ئاشکرا کر کو ئەڤ قوتابیێن ئێکێ یێن رێزا دووازدێ ئامادەیی یێن کو ئەڤرۆ ھاتینە خەلاتکرن نموونە و ھیڤیەکا باشن بۆ پاشەرۆژێ، سەرەرایی ئەو کاودانێن ب سەر مە دا ھاتین یێن کۆرۆنایێ گەلەک کەسان ھزردکر ئەڤ چەندە دێ کارتێکرنەکا نەرێنی ل ئاستێ خواندنا قوتابیان و نمرێن ب دەستڤە دئینن کەت، بەلێ خوەشبەختانە ئیرادەکا ب ھێز ل دەف ڤان قوتابیان و مامۆستا و رێڤەبەرێن وان و کەرتێ پەروەردێ ب شێوەیەکێ گشتی ھەبوو کو ئەڤ قوتابیە شیاین ئەڤی ئەنجامێ باش ب دەستخوەڤە بینن.
پارێزگارێ دھۆکێ گۆت: "پیرۆزباھیێ ل ھەموو قوتاببێن سەرکەفتی دکەم کو ئەڤرۆ مە ١٤ قوتابیێن پارێزگەھا دھۆکێ ژ بەر ب دەستڤەئینانا کونمرێن باش ل پارێزگەھا دھۆکێ خەلاتکرن، وەلاتێ مە پێدڤی ب شیانێن کەسێن وەکو ڤان قوتابیان ھەیە و دخوازم ئەڤ قوتابیە بشێن وەلاتێ خوە ئاڤەدان بکەن".
رێوار محەمەد رەشید
