کەشناسی: سبه‌ی نمە باران دەبارێت
هەولێر-KDP.info- بەڕێوەبەرایەتی كەشناسی و بومەلەرزەزانی ھەرێمی كوردستان، پێشبینیەكانی بۆ كەشوھەوای 48 كاتژمێری داھاتوو بڵاوکردەوە و رایگەیاند، ئەمڕۆ ئاسمان ساماڵ پەڵە هەور دەبێت، بەرزترین پلەی گەرما لە هەولێر و هەڵەبجە 35 پلە و سلێمانی 34 و دهۆک 33 و لە کەرکووک 34 پلەی سیلیزی دەبێت.
لەبارەی كەشوھەوای سبەی كەشناسی پێشبینی دەكات، رۆژی چوارشەممە ئاسمان لە نیمچە هەورەوە دەگۆڕێت بۆ هەوری تەواو لە هەندێک ناوچەی شاخاوی نمە باران دەبارێت و هەورە تریشقەی لەگەڵ دەبێت و پلەی گەرما زیاتر دادەبەزێت.
