رێژا دەنگدانا تایبەت ل ئیدارا سەربەخۆ یا زاخۆ ٨٨% بوو

دھۆک-KDP.info- بەرپرسێ نڤیسینگەھا ھەلبژارتنان ل لقێ ٨ یێ پارتی دیموکراتی کوردستان ل زاخۆ دیار کر ئەڤرۆ رۆژا ٨/١٠/٢٠٢١ ل دەمژمێر ٧:٠٠ سپێدێ دەرگەھێن بنگەھان بۆ دەنگدانا تایبەت یا ھەلبژارتنێن پێشوەخت یێن جڤاتا نوونەرێن عیراقێ ل سەرانسەری عیراقێ و ھەرێما کوردستانێ ھاتنە ڤەکرن و ھەتا دەمژمێر ٦:٠٠ ئێڤاری پرۆسا دەنگدانێ یا بەردەوام بوو، رێژا پشکداریێ ل ئیدارا سەربەخۆ یا زاخۆ ٨٨% بوو.

حەکیم عەبدوللا، بەرپرسێ نڤیسینگەھا ھەلبژارتنان ل لقێ ٨ یێ پارتی دیموکراتی کوردستان ل زاخۆ بۆ مالپەرێ فەرمیێ پارتی دیموکراتی کوردستان ئاشکرا کر کو پرۆسا دەنگدانا تایبەت یا ھەلبژارتنێن پێشوەخت یێن جڤاتا نوونەرێن عیراقێ کو ھێزێن ئیمناھیێ و پێشمەرگێن قەھرەمان و ئاوارە تێدا پشکدارببوون ئەڤرۆ ل ئیدارا سەربەخۆ یا زاخۆ ب شێوەیەکێ ھێمن و سەرکەفتی و بێ ئاریشە ب دووماھی ھات و گۆت: "رێژا پشکداریێ ل ئیدارا سەربەخۆ یا زاخۆ ٨٨% بوو".

رێوار محەمەد رەشید