ئامانج مەحموود: سەرکەوتنی پارتی سەرکەوتنی هەموو کوردە

هەولێر -KDP.info- ئامانج مەحموود، کاندیدی ژمارە 23ی پارتی لە بازنەی دووی ھەولێر، بە ماڵپەڕی فەرمیی پارتی دیموکراتی کوردستانی ڕاگەیاند: "من کاندیدی پارتیم لە بازنەی دووی هەولێر، داوا لە دەنگدەرانی سنووری بازنەکەم دەکەم ڕۆژی یەکشەممە پێشمەرگەی سەرخستنی پارتی بن و نەهێڵن پارتی لە هێزی یەکەم کەمتر کورسی و دەنگ بەدەست بێنێت.''

ئامانج مەحموود ڕوونی کردەوە: "ئێمە کاندیدی پارتیین و هەموو جیهان دەزانێت پارتی، واتا خزمەتکردن، لەبەر ئەوەش ئەگەر متمانە بدەنە ئێمە، ئەوە گومانی تێدا نییە نوێنەرانی پارتی ئەو ئەمانەتە گەورەیە پشتگوێ ناخەن و هەموو توانای خۆم بۆ بەرژەوەندیی گشتی بەکار دێنم، بەتایبەتی خولی داهاتووی پەرلەمانی عێراق زۆر کێشە یەکلا دەکاتەوە، سەرکەوتنی پارتی تەنها سەرکەوتنی حزبێک نییە، بەڵکوو سەرکەوتنی میللەتی کوردە.''

قائید میرۆ