عەبدولواحد ئەحمەد سلێڤانەی: ژ پێخەمەت دابینکرنا مافێن رەوایێن گەلێ کوردستانێ دەنگێ خوە بدەنە بەربژارێن پارتی
دھۆک-KDP.info- عەبدولواحد ئەحمەد سلێڤانەی، بەربژارێ ژمارە ٢٣ یێ پارتی دیموکراتی کوردستانێ ل بازنێ (٢) (زاخۆ – سێمێل) بۆ ھەلبژارتنێن جڤاتا نوونەرێن عیراقێ گۆت: "داخوازێ ژ ھەمی خەلکێ ھەرێما کوردستانێ ب گشتی و یێ قەزایێن (زاخۆ، سێمێل، باتیفا) ب تایبەتی دکەم، ئەم ھەمی پێکڤە ل رۆژا ١٠/١٠/٢٠٢١ خوە ئامادەبکەین و بچینە دەنگدانێ ژ پێخەمەت پارتیەکا بھێز بۆ وێ چەندێ بەرەڤانیەکا بھێز د ناڤ جڤاتا نوونەرێن عیراقێ دا ژ مافێن رەوایێن گەلێ کوردستانێ بکەت، ژوان مافان ژی یێن سەرەکی زڤراندنا ئاخا کوردستانێ، چونکو ئاریشا مە یا سەرەکی ئاخ و جوگرافیا کوردستانێ یە".
ناڤھاتی گۆت: "ل جڤاتا نوونەرێن عیراقێ دێ کار کەین ژ پێخەمەت دابینکرنا بۆدجەیا ھەرێما کوردستانێ بۆ وێ چەندێ ئەم بشێن باشتر خزمەتا خەلکێ کوردستانێ ب رێیا حکومەتا ھەرێما کوردستانێ بکەین و خزمەتگۆزاریان ب شێوەیەکێ گشتی باشتر لێ بکەین".
رێوار محەمەد رەشید
