په‌یاما پیرۆزباهیێ یا نێچیرڤان بارزانى ژبۆ جه‌ژنا جه‌مایێ
__2021_10_06_h19m44s11__HK.jpg)
جه‌ژنا جه‌مایێ ل هه‌موو خویشك و برایێن مه یێن ئێزدى ل كوردستانێ و ل هه‌ر ده‌ره‌كا جیهانێ بن، ب گه‌رمى و ژ دل پیرۆز دكه‌م، هیڤیدارم جه‌ژنه‌كا خۆش و ئارام ده‌رباز بكه‌ن و هیڤى و خۆزییێن وان بجھ بێن.
مخابن ئیسال ژى جه‌ژن د ده‌مه‌كێدا ڤه‌دگه‌ڕیت كو هێشتا ب هزاران خوشك و برایێن مه یێن ئێزدى یێن ڕه‌ڤاندییێن ده‌ستێ تیرۆرستێن داعش وندانه، هه‌روه‌سا ب هزاران ماڵباتێن وان ژى ژبه‌ر كو نكارن ڤه‌گه‌ڕنه سه‌ر جھ و مالێن خوه، هێشتا د كه‌مپادا دژین.
د ڤێ هه‌لكه‌فتنێدا دیسا هه‌مى خویشك و برایێن خۆ یێن ئێزدى پشتڕاست دكه‌ین كو هندى ئێزدییه‌ك ڕه‌ڤاندى مابیت، ئه‌م دێ لسه‌ر هه‌ولێن خۆ یێن ڕزگاركرن و دیاركرنا چاره‌نڤیسێ وان به‌رده‌وام بین، هه‌روه‌سا دێ هه‌مى هه‌ولا ده‌ین ژبۆ ڤه‌گه‌ڕاندنا هه‌مى ئاواره‌یێن ئێزدى ژبۆ سه‌ر مال و جهێن وان.
دیسا جه‌ژنا جه‌مایێ پیرۆ بیت، هه‌ر سال ب خێر و خۆشى،
ڕێز و سلاڤ ژبۆ هه‌مى ئێزدییان.
نێچیرڤان بارزانى
سه‌رۆكێ هه‌رێما كوردستانێ
6/10/2021
